ఈ.ఎస్.ఎల్.నరసింహన్ (E.S.L.Narasimhan)

ఈ.ఎస్.ఎల్.నరసింహన్ జననం 1945 రాష్ట్రం తమిళనాడు పదవులు చత్తీస్‌ఘఢ్, ఆంధ్రప్రదేశ్, తెలంగాణ గవర్నరు ఈ.ఎస్.ఎల్.నరసింహన్ 1945లో జన్మించారు. తమిళనాడు రాష్ట్రానికి చెందిన ఈయన పూర్తిపేరు ఎక్కాడు శ్రీనివాసన్ లక్ష్మీ నరసింహన్. ఐపీఎస్ అధికారిగా ఉద్యోగ ప్రస్థానం ఆరంభించి ఐబి డైరెక్టరుగా పదవీవిరమణ చేసి ఆ తర్వాత చత్తీస్‌ఘఢ్ గవర్నరుగా పనిచేశారు. 2019 వరకు ఆంధ్రప్రదేశ్ మరియు తెలంగాణ రాష్ట్రాల గవర్నరుగా పనిచేశారు. ఉద్యోగ ప్రస్థానం: 1968లో ఇండియన్ పోలీస్ సర్వీస్‌లో చేరి 2006లో ఇంటిలిజెన్స్ బ్యూరో డైరెక్టరుగా ఉద్యోగ విరమణ చేశారు. గవర్నరుగా: 2007 జనవరిలో ఛత్తీస్‌ఘఢ్ గవర్నరుగా నియామకం పొంది 2010 జనవరి వరకు పనిచేశారు. 2009 డిసెంబరులో ఎన్.డి.తివారి రాజీనామాతో ఆంధ్రప్రదేశ్ గవర్నరుగా అదనపు బాధ్యతలు స్వీకరించి జనవరి 2010 నుంచి ఆంధ్రప్రదేశ్ గవర్నరుగా పూర్తి బాధ్యతలు చేపట్టారు. జూన్ 2, 2014న ఆంధ్రప్రదేశ్ విభజన అనంతరం విభజిత ఆంధ్రప్రదేశ్ మరియు తెలంగాణ రెండు రాష్ట్రాలకు గవర్నరుగా వ్యవహరించారు. విభాగాలు: తమిళనాడు ప్రముఖులు, ఛత్తీస్‌గఢ్ గవర్నర్లు, ఆంధ్రప్రదేశ్ గవర్నర్లు, తెలంగాణ గవర్నర్లు, 1945లో జన్మించినవారు,   = = = = =