భగవాన్ దాస్ (Bhagwan Das)

భగవాన్ దాస్ జననం జనవరి 12, 1869 జన్మస్థానం వారణాసి రంగం స్వాతంత్ర్యోద్యమం, తత్వవేత్త, గుర్తింపులు భారతరత్న (1955) మరణం సెప్టెంబర్ 18, 1958 తత్వవేత్తగా, స్వాతంత్ర్య సమరయోధుడిగా పేరుపొందిన భగవాన్ దాస్ జనవరి 12, 1869న కాశీ (వారణాసి)లో జన్మించారు. కొంతకాలము అవిభాజిత భారతదేశము యొక్క కేంద్ర విధానసభ లో పనిచేశాడు. స్వాతంత్ర్య సమరయోధునిగా బ్రిటిషు పాలనకు వ్యతిరేకముగా పోరాడారు. అనిబీసెంట్‌తో కలిసి ఈయన స్థాపించిన కేంద్ర హిందూ కళాశాల తర్వాత కాలములో బనారస్ హిందూ విశ్వవిద్యాలయంగా మారింది. జాతీయ విశ్వవిద్యాలయమైన కాశీ విద్యాపీఠమును స్థాపించి ప్రాధానోపాధ్యాయునిగా పనిచేశారు. భారతీయ జాతీయ కాంగ్రెస్‌లో చురుకుగా పాల్గొన్న ఈయన 1919లో జరిగిన మొరదాబాద్ కాంగ్రెస్ సమావేశానికి గౌరవాధ్యక్షులుగా వ్యవహరించారు. వారణాసి నగర మేయరుగా కూడా పనిచేసిన భగవాన్ దాస్ భారతీయ దివ్యజ్ఞానం పత్రికకు చాలా కాలం పాటు సంపాదకుడిగా వ్యవహరించారు. సంస్కృత పండితుడైన భగవాన్ దాస్ సంస్కృతం, హిందీ బాషలలో దాదాపు 30 పుస్తకాలు రచించారు. ఈయన సేవలకుగాను భారతప్రభుత్వం 1955లో భారత రత్న పురస్కారము ప్రధానము చేసింది. సెప్టెంబర్ 18, 1958న భగవాన్ దాస్ మరణించారు. మహారాష్ట్ర గవర్నరుగా పనిచేసిన శ్రీప్రకాష ఈయన కుమారుడు. విభాగాలు: ఉత్తరప్రదేశ్ ప్రముఖులు, వారణాసి, భారతరత్న పురస్కార గ్రహీతలు, 1869లో జన్మించినవారు, 1958లో మరణించినవారు,  = = = = =