నారపరాజు రామచంద్రారావు (Ramchander Rao Naraparaju)

ఎన్.రామచంద్రారావు పదవి ఎమ్మెల్సీ ఎన్.రామచంద్రారావు భారతీయ జనతాపార్టీకి చెందిన రాజకీయ నాయకుడు. ఏప్రిల్ 27, 1959న హైదరాబాదులో జన్మించారు. న్యాయవాద వృత్తిలో ఉన్న రామచంద్రారావు అవిభక్త ఆంధ్రప్రదేశ్ రాష్ట్ర భాజపా అధికార ప్రతినిధిగా వ్యవహరించారు. 2015 మార్చిలో తెలంగాణ ఎమ్మెల్సీగా ఎన్నికయ్యారు. రాజకీయ ప్రస్థానం: విద్యార్థి దశలోనే రామచంద్రారావు నాయకత్వ లక్షణాలు అలవర్చుకున్నారు. డిగ్రీలో ఉన్నప్పుడు అఖిల భారతీయ విద్యార్థి పరిషత్తు తరఫున కళాశాల అధ్యక్షుడిగా వరసగా 3 సంవత్సరాలు ఎన్నికయ్యారు. ఉస్మానియా విశ్వవిద్యాలయంలో న్యాయవిద్య అభ్యసిస్తున్నప్పుడు కళాశాల కార్యదర్శిగా రెండేళ్ళు వ్యవహరించారు. 2009 ఎమ్మెల్సీ ఎన్నికలలో మహబూబ్‌నగర్, రంగారెడ్డి, హైదరాబాదు జిల్లా పట్టభద్రుల నియోజకవర్గం నుంచి పోటీచేసి కొద్దితేడాతో ఓడిపోయారు. 2014 శాసనసభ ఎన్నికలలో మల్కాజ్‌గిరి అసెంబ్లీ నియోజకవర్గం నుంచి భాజపా తరఫున పోటీచేసి తెరాస చేతిలో 2680 ఓట్ల తేడాతో పరాజయం పొందారు. 2014లో బార్ కౌన్సిల్ ఆఫ్ ఇండియాకు ఎన్నికయ్యారు. 2015 మార్చిలో జరిగిన ఎమ్మెల్సీ ఎన్నికలలో మహబూబ్‌నగర్, రంగారెడ్డి, హైదరాబాదు జిల్లా పట్టభద్రుల నియోజకవర్గం నుంచి పోటీచేసి తెరాస అభ్యర్థి దేవీప్రసాద్‌పై ఘనవిజయం సాధించారు. తెలంగాణ భాజపా ప్రముఖులు, భారతీయ జనతా ఫార్టీ నాయకులు, తెలంగాణ ఎమ్మెల్సీలు,  = = = = =