ప్రో కబడ్డీ లీగ్ 2015 (Pro Kabaddi League 2015)

ప్రో కబడ్డీ లీగ్ 2015 విజేత యు ముంబా రన్నరప్ బెంగుళూరు బుల్స్‌ టోర్నీ కాలం జూలై 18, 2015 నుంచి ఆగస్టు 23, 2015 జట్ల సంఖ్య 8 2014లో ప్రారంభమైన కబడ్డీ లీగ్ రెండో అంచె పోటీలు జూలై 18, 2015 నుంచి ఆగస్టు 23, 2015 వరకు నిర్వహించబడింది. 8 జట్ల మధ్య మొత్తం 60 మ్యాచ్‌లు జరిగాయి. లీగ్ మ్యాచ్‌లలో అగ్రస్థానం పొందిన 4 జట్లు సెమీస్ చేరగా తొలి సెమీస్‌లో బెంగుళూరు బుల్స్, రెండో సెమీస్‌లో యు ముంబా జట్లు విజయం సాధించి ఫైనల్స్ చేరాయి. ఆగస్టు 23, 2015న జరిగిన ఫైనల్లో యు ముంబా జట్టు బెంగుళూరు బుల్స్‌పై 36-30 పాయింట్ల తేడాతో గెలుపొంది టైటిల్ సాధించింది. లీగ్ దశ: మొత్తం 8 జట్ల మధ్యన డబుల్ రౌండ్ రాబిన్ పద్దతిలో లీగ్ మ్యాచ్‌లు జరిగాయి. ఒకో జట్టు మిగితా ఏడు జట్లతో రెండేసి సార్లు ఆడగా మొత్తం 14 మ్యాచ్‌లలో యు ముంబా 60 పాయింట్లతో లీగ్ దశలో అగ్రస్థానం పొందింది. తెలుగు టైటాన్స్ 50 పాయింట్లతో రెండో స్థానంలో, బెంగుళూరు బుల్స్ 48 పాయింట్లతో మూడో స్థానంలో, పాట్నా పైరేట్స్ 41 పాయింట్లతో నాల్గో స్థానంలో నిలిచి సెమీస్‌కు అర్హత సాధించాయి. గత ఏడాది ఛాంపియన్ జైపూర్ పింక్ పాంథర్స్‌తో పాటు బెంగాల్ వారియర్స్, దబాంగ్ డెల్హీ, పినేరి పల్టాన్ జట్లు లీగ్ దశలోనే ఆగిపోయాయి. ప్రో కబడ్డీ లీగ్ 2015 జనరల్ నాలెడ్జి సెమీఫైనల్స్: లీగ్ దశలో 2, 3 స్థానాలు పొందిన తెలుగు టైటాన్స్ మరియు బెంగుళూరు బుల్స్ జట్ల మధ్యన తొలి సెమీఫైన మ్యాచ్ ఆగస్టు 21న జరిగింది, ఈ మ్యాచ్‌లో బెంగుళూరు బుల్స్ 39-38 స్వల్ప తేడాతో తెలుగుటైటాన్స్ పై విజయం సాధించి ఫైనల్స్‌కు అర్హత సాధించింది. లీగ్ దశలో 1, 4 స్థానాలు పొందిన యు ముంబా మరియు పాట్నా పైరేట్స్‌ల మధ్యన అదే రోజు జరిగిన రెండో సెమీఫైనల్లో యు ముంబా జట్టు 35-18 తేడాతో విజయం సాధించింది. ఫైనల్ మ్యాచ్: ఆగస్టు 23న ముంబాయిలోని సర్దార్ వల్లభ్ భాయి పటేల్ స్టేడియంలో జరిగిన ఫైనల్ పోటీలో యు ముంబా జట్టు 36-30 తేడాతో బెంగుళూరు బుల్స్‌పై విజయం సాధించి తొలిసారి టైటిల్ సాధించింది. అంతకు క్రితం 3వ స్థానం కోసం జరిగిన పోటీలో తెలుగు టైటాన్స్ జట్టు పాట్నా పైరేట్స్‌పై 34-26 తేడాతో గెలుపొందింది. విభాగాలు: కబడ్డీ, 2015 టోర్నమెంట్లు,  = = = = =