బూర్గుల శ్రీనాథశర్మ (Burgula Sreenatha Sharma)

జననం డిసెంబరు 12, 1961 రంగం కవి, రచయిత గుర్తింపులు ఉత్తమ ఉపాధ్యాయ అవార్డు, ఉత్తమ కవి, ఉత్తమ విద్యావేత్త అవార్డులు, జీవనసాఫల అవార్డు (పాలమూరు సాహితీ సంస్థ) బూర్గుల శ్రీనాథశర్మ మహబూబ్‌నగర్ జిల్లాకు చెందిన ప్రముఖ రచయిత. డిసెంబరు 12, 1961న జన్మించిన శ్రీనాథశర్మ బీఎస్సీ, బీఎడ్, ఎంఏ వరకు అభ్యసించి 1985లో ఉపాధ్యాయవృత్తిలో ప్రవేశించి, ఉపాధ్యాయునిగా పనిచేస్తూనే రచయితగా, కవిగా, వ్యాసకర్త, సామాజిక కార్యకర్తగా గుర్తింపు పొందారు. పాలమూరు జిల్లాలోని ప్రముఖ సాహితీవేత్తగా గుర్తింపు పొందిన శ్రీనాథశర్మ పలు అవార్డులు, గుర్తింపులు పొందారు. రచయితగా: చిన్నవయస్సు నుంచే సాహిత్యంపై మక్కువ కలిగిన శ్రీనాథశర్మ కవిగా, రచయిత, వ్యాసకర్తగా మన్ననలందుకుంటున్నారు. ఇప్పటివరకు ప్రముఖ తెలుగు దిన, వార, మాసపత్రికలలో 3000కు పైగా వ్యాసాలు, 300కు పైగా కథలు, ఆకాశవాణిలో 100కు పైగా రచనలు, 100కు పైగా జానపద వ్యాసాలు ప్రకాశింపజేశారు. 1 నుంచి 5వ తరగతికి సంబంధించిన తెలుగు, సైన్స్ పాఠ్యపుస్తకాలు, 10వ తరగతికి చెందిన భౌతిక, రసాయన, జీవశాస్త్ర ప్రశ్నలనిధి పుస్తకాలను రచించారు. 7వ, 10వ తరగతుల మాసపత్రికలకు సంపాదకత్వం వహించారు. 24 అనువాద గ్రంథాలు కూడా రచించారు. సామాజిక సేవ: రచయితగా, ఉపాధ్యాయునిగా సేవలు అందిస్తూనే సామాజిక కార్యకర్తగా కూడా పేరుపొందారు.వెనుకబడిన లంబాడి తండాలలో 1982-85 ప్రాంతంలో AIRDS సంస్థ తరఫున ప్రాథమిక పాఠశాలలను ఏర్పాటుచేశారు. వయోజనులకు రాత్ర్రిబడులను నడిపారు. బాలలహక్కులకోసం అనేక కార్యక్రమాలు చేపట్టారు. పర్యావరణంపై అవగాహక కార్యక్రమాలు, సమావేశాలు నిర్వహించారు. గుర్తింపులు: 2015లో స్వీకరించిన జీవనసాఫల్య పురస్కారం 1986లో ఉత్తమవ్యాసానికి రాష్ట్రస్థాయి బంగారుపతకం అందుకున్నారు. 1989, 90లలో ఉత్తమ రచయిత, అనువాదకునిగా అవార్డు పొందారు. 1999లో ఉత్తమ రచయితగా అప్పటి కార్వాన్ ఎమ్మెల్యే బద్దంబాల్‌రెడ్డి గారితో అవార్డు స్వీకరించారు. 2000లో ఉత్తమ అనువాద రచయితగా అవార్డు పొందారు. 2002లో జిల్లాస్థాయి ఉత్తమ ఉపాద్యాయునిగా అవార్డు పొందారు. 2005లో లయన్స్ క్లబ్ వారి ప్రాంతీయ ఉత్తమ ఉపాధ్యాయ అవార్డు గ్రహించారు. 2005లోనే అంబేద్కర్ యువజనసంఘం ద్వారా ఉత్తమ ఉపాధ్యాయ అవార్డు పొందారు. 2007లో న్యూఢిల్లీ వారి ఇంటర్నేషనల్ ఇంటగ్రేటెడ్ గ్రోత్ సొసైటి ద్వారా ఉత్తమ విద్యావేత్త అవార్డు అందుకున్నారు. 2010లో ఉత్తమ తెలుగు అనువాద రచయితగా డేవస్(మధ్యప్రదేశ్) నుంచి అవార్డు స్వీకరించారు. 2012లో ఉత్తమకవిగా చంద్రబాబునాయుడు గారిద్వారా అవార్డు పొందారు. 2015లో పాలమూరు సాహితీసంస్థ తరఫున జీవనసాఫల్య పురస్కారం పొందారు. రాష్ట్ర గ్రంథాలయ సంస్థ ద్వారా 7 సార్లు ఉత్తమ కార్యక్రమ నిర్వాహకునిగా ప్రశంసాపత్రాలు పొందారు. విభాగాలు: పాలమూరు జిల్లా సాహితీవేత్తలు,   = = = = =