మంగళంపల్లి బాలమురళీకృష్ణ (Mangalampalli Balamuralikrishna)

జననం జూలై 6, 1930 జన్మస్థానం శంకరంగుప్త రంగం కర్ణాటక సంగీతం మరణం నవంబర్ 22, 2016 కర్ణాటక సంగీతంలో ప్రఖ్యాతిగాంచిన మంగళంపల్లి బాలమురళీకృష్ణ జూలై 6, 1930న తూర్పు గోదావరి జిల్లా శంకరంగుప్త గ్రామంలో జన్మించారు. ఎనిమిదేళ్ళ చిన్నవయస్సులోనే కచేరి చేయడం ప్రారంభించారు. వయొలిన్ విద్వాంసుడిగా, వాగ్గేయకారుడిగా, సినీ సంగీత దర్శకుడిగా, గాయకుడిగా, నటుడిగా గుర్తింపు పొందారు. సంగీత నాటక అకాడమీ పురస్కారం, పద్మశ్రీ, పద్మవిభూషణ, యునెస్కో నుంచి మహాత్మాగాంధీ సిల్వర్ మెడల్, డాక్టరేట్ లాంటి పలు బిరుదులను పొందారు. 86 ఏళ్ళ వయస్సులో నవంబర్ 22, 2016న మరణించారు. సంగీత ప్రస్థానం: చిన్న వయస్సులోనే సంగీత ప్రస్థానం ఆరంభించిన మురళీకృష్ణ జీవితకాలంలో ప్రపంచవ్యాప్తంగా 25000 కచేరీలు చేశారు. హిందుస్తానీ సంగీతంలోని ప్రముఖ సంగీతకారులతో కలిసి పనిచేశాడు మరియు జుగల్ బందీ తరహా కచేరీల రూపకల్పనకి ఆద్యుడు. వయోలిన్, వయోలా, వీణ, మృదంగం మెదలగు సంగీతవాయిద్యాలు వాయించడంలో కూడా ప్రావీణ్యం సంపాదించారు. జీవితకాలంలో ఎన్నో జాతీయ, అంతర్జాతీయ పురస్కారాలు అందుకొన్నారు. తిరుపతి తిరుమల దేవస్థానము, శృంగేరీ పీఠాలకు ఆస్థాన విద్వాంసుడిగా కూడా పనిచేశారు. పురస్కారాలు: బాలమురళీకృష్ణ 1971లో భారతప్రభుత్వం నుంచి పద్మశ్రీ పురస్కారాన్ని, 1975లో సంగీత నాటక అకాడమీ పురస్కారాన్ని, 1976 & 1987లలో ఉత్తమ సంగీతదర్శకుడిగా జాతీయ ఫిలిం అవార్డులను, 1991లో పద్మవిభూషణ్ పురస్కారాన్ని, సంగీత కళాశిఖామణి అవార్డును పొందారు. హోం, విభాగాలు:తూర్పు గోదావరి జిల్లా ప్రముఖులు, 1930లో జన్మించినవారు, 2016లో మరణించినవారు, సంగీత విధ్వాంసులు,  = = = = =