భారతకోకిలగా ప్రసిద్ధి చెందిన సరోజినీ నాయుడు ఫిబ్రవరి 13, 1879న హైదరాబాదులో జన్మించింది. తండ్రి అఘోరనాథ చటోపాధ్యాయ ప్రముఖ విద్యావేత్త, తల్లి వరదాసుందరి దేవి. వీరిది బెంగాలీ బ్రాహ్మణ కుటుంబం. సరోజినీనాయుడు మంచి రచయిత్రి, సామాజిక కార్యకర్త మరియు స్వాతంత్ర్య సమరయోధురాలు. 1925లో కాన్పూర్‌లో జరిగిన భారత జాతీయ కాంగ్రెస్‌కు అధ్యక్షత వహించడమే కాకుండా స్వాతంత్ర్యానంతరం ఉత్తరప్రదేశ్ గవర్నరు పదవి పొంది దేశంలోనే తొలి మహిళా గవర్నరుగా రికార్డు సృష్టించింది. గోల్డెన్ థ్రెశోల్డ్, ది బర్ద్ ఆఫ్ టైం, ది బ్రోకెన్ వింగ్ ఈమె ప్రముఖ రచనలు. 1908 మూసీనది వరదల సమయంలో ఈమె చేసిన సేవకుగాను నిజాం ప్రభుత్వం కైజర్-ఎ-హింద్ బిరుదాన్ని ప్రసాదించింది. మార్చి 2, 1949న సరోజినీనాయుడు మరణించింది.
సమరయోధురాలిగా మరియు రాజకీయాలు: ప్రారంభంలో సరోజినీనాయుడు మహిళా సంక్షేమం కోసం కృషిచేసింది. అదే క్రమంలో భారత జాతీయ కాంగ్రెస్ సమావేశాలలో పాల్గొనడం ప్రారంభించింది. అనతికాలంలోనే ప్రముఖ నాయకురాలిగా చెలామణి అయింది. 1925లో కాన్పూర్‌లో జరిగిన భారత జాతీయ కాంగ్రెస్ మహాసభలకు సరోజినీ అధ్యక్షత వహించింది. 1931లో రౌండ్ టేబుల్ సమావేశాలకు భారతదేశ ప్రతినిధిగా హాజరయ్యారు. 1942లో క్విట్ ఇండియా ఉద్యమంలో పాల్గొని జైలుకు కూడా వెళ్ళారు. స్వాతంత్ర్యానంతరం ఉత్తరప్రదేశ్ గవర్నరు పదవి చేపట్టి దేశంలోనే తొలి మహిళా గవర్నరుగా గణతికెక్కారు. బంధుత్వం: సరోజినీనాయుడు తండ్రి అఘోరనాథ చటోపాధ్యాయ ప్రముఖ విద్యావేత్త మతియు నిజాం కళాశాల తొలి ప్రిన్సిపాల్‌గా పనిచేశారు. కూతురు పద్మజానాయుడు పశ్చిమబెంగాల్ గవర్నరుగా పనిచేసింది. కుమారుడు జయసూర్యనాయుడు స్వాతంత్ర్య సమరయోధుడు మరియు రాజకీయనాయకుడు. సోదరుడు హరీంద్రనాథ్ చటోపాధ్యాయ కవిగా పేరుపొందారు. ఇవి కూడా చూడండి
= = = = =
| ||||||||||||
Tags: Sarojini Naidu in Telugu, Sarojini Naidu essay in Telugu,
Tags:Sarojini Naidu in telugu, Sarojiji Naidu Essay, Telangana Famous Persons biography in Telugu, Hderabad Famous Persons in Telugu,
కామెంట్‌లు లేవు:
కామెంట్‌ను పోస్ట్ చేయండి