షాద్‌నగర్ అసెంబ్లీ నియోజకవర్గం (Shadnagar Assembly Constituency)

షాద్ నగర్ నియోజకవర్గంలోని మండలాలు మహబూబ్ నగర్ జిల్లా లోని 14 అసెంబ్లీ నియోజకవర్గాలలో షాద్‌నగర్ అసెంబ్లీ నియోజకవర్గం ఒకటి. 2007 నాటి నియోజకవర్గాల పునర్వ్యవస్థీకరణ ప్రకారము ఈ నియోజకవర్గంలో 4 మండలాలు కలవు. పునర్విభజన ఫలితంగా ఈ నియోజకవర్గం ఎస్సీలకు రిజర్వుడ్ నుంచి తిరిగి జనరల్‌కు మారింది. ప్రారంభంలో జనరల్ విభాగములో ఉన్న ఈ నియోజకవర్గము 1967లో జరిగిన నియోజకవర్గాల పునర్వ్యవస్థీకరణలో ఎస్సీలకు కేటాయించబడింది. 1967 నుండి 2007 వరకు ఎస్సీలకు రిజర్వుడ్ నియోజకవర్గముగా ఉండేది. గతంలో ఈ నియోజకవర్గంలో భాగంగా ఉన్న బాలానగర్, నవాబుపేట మండలంలోని గ్రామాలు పునర్వ్యవస్థీకరణ ఫలితంగా జడ్చర్ల నియోజకవర్గంలో కలిశాయి. మంత్రిగా పనిచేసిన పి.శంకరరావు ఇక్కడి నుంచి 4 సార్లు విజయం సాధించారు. 1952లో తొలి ఎన్నికలలో విజయం సాధించిన బూర్గుల రామకృష్ణారావు హైదరాబాదు రాష్ట్ర ముఖ్యమంత్రిగా ఈ నియోజకవర్గానికి ప్రాతినిధ్యం వహించారు. ఇప్పటివరకు ఈ నియోజకవర్గానికి 15 సార్లు ఎన్నికలు జరుగగా 11 సార్లు కాంగ్రెస్ పార్టీ విజయం సాధించగా, 2 సార్లు తెలుగుదేశం పార్టీ, 2 సార్లు తెరాస విజయం సాధించింది. మహబూబ్ నగర్ జిల్లాలో షాద్ నగర్ నియోజకవర్గం స్థానం (చిత్రం: తెవికీ సౌజన్యంతో) ఈ నియోజకవర్గం పరిధిలోని మండలాలు షాద్‌నగర్ కొత్తూరు కేశంపేట కొందుర్గు ఎన్నికైన శాసనసభ్యులు:   సంవత్సరం గెలుపొందిన సభ్యుడు పార్టీ ప్రత్యర్థి ప్రత్యర్థి పార్టీ 1952 బూర్గుల రామకృష్ణారావు కాంగ్రెస్ పార్టీ ఎల్.లక్ష్మారెడ్డి స్వత్రంత్ర అభ్యర్ధి 1957 షాజహాన్ బేగం కాంగ్రెస్ పార్టీ ఎల్.లక్ష్మారెడ్డి స్వత్రంత్ర అభ్యర్ధి 1962 దామోదర్ రెడ్డి కాంగ్రెస్ పార్టీ ఎ.బి.భారి స్వతంత్ర అభ్యర్థి 1967 కె.నాగన్న కాంగ్రెస్ పార్టీ బి.మశ్చీందర్ రావు స్వతంత్ర అభర్థి 1972 ఎన్.వి.జగన్నాథం కాంగ్రెస్ పార్టీ కంబయ్య స్వతంత్ర అభ్యర్థి 1978 బి.కిష్టయ్య కాంగ్రెస్ పార్టీ బంగారు లక్ష్మణ్ జనతా పార్టీ 1983 పి.శంకరరావు కాంగ్రెస్ పార్టీ పి.రాధాకృష్ణ తెలుగుదేశం పార్టీ 1985 ఎం.ఇందిర తెలుగుదేశం పార్టీ బి.కృష్ణయ్య కాంగ్రెస్ పార్టీ 1989 పి.శంకరరావు కాంగ్రెస్ పార్టీ ఎం.ఇందిర తెలుగుదేశం పార్టీ 1994 బక్కని నర్సింహులు తెలుగుదేశం పార్టీ పి.శంకరరావు కాంగ్రెస్ పార్టీ 1999 పి.శంకరరావు కాంగ్రెస్ పార్టీ ఎస్.బాలు భారతీయ జనతా పార్టీ 2004 పి.శంకరరావు కాంగ్రెస్ పార్టీ బక్కని నర్సింహులు తెలుగుదేశం పార్టీ 2009 చౌలపల్లి ప్రతాపరెడ్డి కాంగ్రెస్ పార్టీ అంజయ్య యాదవ్ తెలంగాణ రాష్ట్ర సమితి 2014 అంజయ్య యాదవ్ తెరాస చౌలపల్లి ప్రతాపరెడ్డి కాంగ్రెస్ పార్టీ 2018 అంజయ్య యాదవ్ తెరాస చౌలపల్లి ప్రతాపరెడ్డి కాంగ్రెస్ పార్టీ 1999 ఎన్నికలు 1999 ఎన్నికలలో ఈ నియోజకవర్గం నుండి కాంగ్రెస్ పార్టీకి చెందిన పి.శంకర్ రావు తన సమీప ప్రత్యర్థి భారతీయ జనతా పార్టీ అభ్యర్థి ఎస్.బాలుపై 6010 ఓట్ల మెజారిటీతో విజయం సాధించారు. శంకర్ రావుకు 56195 ఓట్లు లభించగా, ఎస్.బాలు 50185 ఓట్లు పొందినారు. మొత్తం ఐదుగురు పోటీచేయగా ప్రధాన పోటీ వీరిద్దరి మధ్యనే కొనసాగింది. బరిలో ఉన్న మిగితా ముగ్గురు అభ్యర్థులు డిపాజిట్టు కోల్పోయారు. 2004 ఎన్నికలు 2004లో జరిగిన శాసనసభ ఎన్నికలలో షాద్‌నగర్ అసెంబ్లీ నియోజకవర్గం నుంచి కాంగ్రెస్ పార్టీకి చెందిన పి.శంకర్ రావు తన సమీప ప్రత్యర్థి అయిన తెలుగుదేశం పార్టీ అభ్యర్థి బక్కిని నర్సిములుపై 10632 ఓట్ల మెజారిటీతో విజయం సాధించారు. శంకర్ రావుకు 65360 ఓట్లు రాగా, బక్కిని నర్సిములు 54728 ఓట్లు సాధించారు. 2009 ఎన్నికలు 2009 ఎన్నికలలో భారతీయ జనతా పార్టీ తరఫున వనం ఝాన్సీరాణి కాంగ్రెస్ పార్టీ తరఫున ప్రతాప్ రెడ్డి, ప్రజారాజ్యం పార్టీ నుండి మిట్టూనాయక్, లోక్‌సత్తా పార్టీ తరఫున పి.నరేందర్, తెలుగుదేశం పార్టీ మద్దతుతో మహాకూటమి తరఫున తెలంగాణ రాష్ట్ర సమితికి చెందిన అంజయ్య యాదవ్ పోటీ చేశారు. కాంగ్రెస్ పార్టీ అభ్యర్థి ప్రతాపరెడ్డి తన సమీప ప్రత్యర్థి తెలంగాణ రాష్ట్ర సమితి పార్టీ అభ్యర్థి వై.అంజయ్య యాదవ్ పై 9400కు పైగా ఓట్ల మెజారిటీతో విజయం సాధించారు. 2014 ఎన్నికలు: 2014 ఎన్నికలలో ఇక్కడి నుంచి తెరాసకు చెందిన అంజయ్యయాదవ్ తన సమీప ప్రత్యర్థి, సిటింగ్ ఎమ్మెల్యే, కాంగ్రెస్ పార్టీకి చెందిన చౌలపల్లి ప్రతాప్‌రెడ్డిపై 17328 ఓట్ల మెజారిటితో విజయం సాధించి తొలిసారి శాసనసభలో ప్రవేశించారు. 2018 ఎన్నికలు: 2018 ఎన్నికలలో తెరాస తరఫున చై.అంజయ్య యాదవ్, భాజపా తరఫుమ ఎన్.శ్రీవర్థన్ రెడ్డి, ప్రజాకూటమి తరఫున కాంగ్రెస్ పార్టీకి చెందిన సి.ప్రతాప్ రెడ్డి పోటీచేశారు. తెరాసకు చెందిన అంజయ్య యాదవ్ ఎల్గనమోని తన సమీప ప్రత్యర్థి కాంగ్రెస్ పార్టీకి చెందిన చౌలపల్లి ప్రతాప్ రెడ్డి పై 20425 ఓట్ల మెజారిటీతో విజయం సాధించారు. నియోజకవర్గ ప్రముఖులు బూర్గుల రామకృష్ణారావు: 1952లో ఇక్కడి నుంచి విజయం సాధించి హైదరాబాదు రాష్ట్ర ముఖ్యమంత్రి పదవి చేపట్టారు. షాజహాన్ బేగం: 1957లో కాంగ్రెస్ పార్టీ తరఫున పోటీచేసి విజయం సాధించారు. దామోదర్ రెడ్డి: 1962లో కాంగ్రెస్ పార్టీ తరఫున పోటీచేసి విజయం సాధించారు. కె.నాగన్న: 1967లో కాంగ్రెస్ పార్టీ తరఫున పోటీచేసి విజయం సాధించారు. ఎన్.వి.జగన్నాథం: 1972లో కాంగ్రెస్ పార్టీ తరఫున పోటీచేసి విజయం సాధించారు. బి.కిష్టయ్య:1978లో కాంగ్రెస్ పార్టీ తరఫున పోటీచేసి విజయం సాధించారు. 1985లో ఓటమి చెందారు. పి.శంకర్ రావు: 1983, 1989లలో కాంగ్రెస్ పార్టీ తరఫున పోటీచేసి విజయం సాధించారు, 1994లో ఓటమి, 1999, 2004లలో గెలుపొందినారు. మొత్తం 4 సార్లు ఇక్కడినుంచి గెలుపొందినారు. 2009లో సికింద్రాబాదు కంటోన్మెంట్ నుంచి విజయం సాధించారు. కోట్ళ విజయభాస్కర్ రెడ్డి, కిరణ్ కుమార్ మంత్రివర్గాలలో స్థానం పొందారు. ఎం.ఇందిర: 1985లో తెలుగుదేశం పార్టీ తరఫున విజయం సాధించారు. 1989లో శంకర్ రావు చేతిలో ఓటమి చెందారు. బక్కని నర్సింహులు:1994లో తెలుగుదేశం పార్టీ తరఫున విజయం సాధించారు. 2004లో శంకర్ రావు చేతిలో ఓటమి చెందారు. చౌలపల్లి ప్రతాపరెడ్డి: 2009లో కాంగ్రెస్ పార్టీ తరఫున విజయం సాధించారు. ఎల్.లక్ష్మారెడ్డి: 1952, 1957లలో ఇండిపెండెంటుగా పోటీచేసి ఓటమి చెందారు.(రెండో స్థానంలో నిలిచారు) ఎ.బి.భారి: 1962లో ఇండిపెండెంటుగా పోటీచేసి ఓటమి చెందారు. (రెండో స్థానంలో నిలి బి.మశ్చీందర్ రావు: 1967లో ఇండిపెండెంటుగా పోటీచేసి ఓటమి చెందారు. (రెండో స్థానంలో నిలిచారు) కంబయ్య: 1972లో ఇండిపెండెంటుగా పోటీచేసి ఓటమి చెందారు. (రెండో స్థానంలో నిలిచారు) బంగారు లక్ష్మణ్: 1978లో జనతాపార్టీ తరఫున పోటీచేసి ఓటమి చెందారు. (రెండో స్థానంలో నిలిచారు) పి.రాధాకృష్ణ: 1983లో తెలుగుదేశం పార్టీ తరఫున పోటీచేసి ఓటమి చెందారు. (రెండో స్థానంలో నిలిచారు) ఎస్.బాలు: 1999లో భారతీయ జనతా పార్టీ తరఫున పోటీచేసి ఓటమి చెందారు. (రెండో స్థానంలో నిలిచారు) అంజయ్య యాదవ్:2009లో తెలంగాణ రాష్ట్ర సమితి పార్టీ తరఫున పోటీచేసి ఓటమి చెందారు. (రెండో స్థానంలో నిలిచారు) విభాగాలు: మహబూబ్‌నగర్ జిల్లా అసెంబ్లీ నియోజకవర్గాలు,  మహబూబ్‌నగర్ లోకసభ నియోజకవర్గం,  షాద్‌నగర్ అసెంబ్లీ నియోజకవర్గం,  ఆంధ్రప్రదేశ్ అసెంబ్లీ నియోజకవర్గాలు,