పోతుగంటి రాములు (P.Ramulu)

పోతుగంటి రాములు పాలమూరు జిల్లాకు చెందిన రాజకీయ నాయకుడు. 1952, ఆగస్టు 17న జన్మించారు. వంగూరు మండలంలోని గుండూరు ఇతని స్వగ్రామం. రాములు 1994లో రాజకీయ ప్రవేశం చేసి ఇప్పటి వరకు 3 సార్లు ఎమ్మెల్యేగా, ప్యానెల్ స్పీకరుగా, రాష్ట్ర మంత్రిగా, తెలుగుదేశం పార్టీ జిల్లా అధ్యక్షునిగా పనిచేశారు. పి.రాములు మొదట వ్యవసాయ మార్కెట్ కమిటి కార్యదర్శిగా 16 సంవత్సరాలు ఉద్యోగం చేశారు. 1994లో ఉద్యోగానికి రాజీనామా చేసి రాజకీయాలలో ప్రవేశించి తెలుగుదేశం పార్టీలో చేరారు. 1994లోనే అచ్చంపేట నియోజకవర్గం నుంచి తెలుగుదేశం పార్టీ తరఫున పోటీచేసి విజయం సాధించారు. 1999లో వరసగా రెండో సారి అదే స్థానం నుంచి గెలుపొందినారు. 2001-04 కాలంలో చంద్రబాబునాయుడు మంత్రివర్గంలో పనిచేశారు. 2004లో కాంగ్రెస్ పార్టీ అభ్యర్థి వంశీకృష్ణ చేతిలో పరాజయం పొందిననూ 2009లో మరోసారి విజయం సాధించి మూడవ సారి శాసనసభ్యులైనారు. 2019 లోక్‌సభ ఎన్నికలలో నాగర్‌కర్నూల్ నుంచి పోటీచేసి విజయం సాధించారు. ఇవి కూడా చూడండి: అచ్చంపేట అసెంబ్లీ నియోజకవర్గం, నాగర్‌కర్నూల్ లోక్‌సభ నియోజకవర్గం, విభాగాలు: మహబూబ్‌నగర్ జిల్లా రాజకీయ నాయకులు,  వంగూరు మండలము,  అచ్చంపేట అసెంబ్లీ నియోజకవర్గం, 13వ శాసనసభ సభ్యులు, 17వ లోక్‌సభ సభ్యులు, = = = = =