ఇప్పటూరు (Ippatur)

ఇప్పటూరు గ్రామము
గ్రామము	ఇప్పటూరు
మండలము	నవాబ్ పేట
జిల్లా	మహబూబ్‌నగర్
జనాభా	3725 (2001)

ఇప్పటూరు మహబూబ్ నగర్ జిల్లా నవాబ్ పేట మండలమునకు చెందిన గ్రామము. ఇది పంచాయతి కేంద్రము.  రచయితగా పేరుపొందిన కొత్లాపురం మఠం రాచయ్య ఈ గ్రామానికి చెందినవారు. మండల వ్యవస్థకు ముందు ఈ గ్రామం మహబూబ్‌నగర్ తాలుకాలో భాగంగా ఉండేది.

భౌగోళికం, సరిహద్దులు:
ఈ గ్రామం మండల కేంద్రానికి సమీపంలో ఉన్నది. గ్రామానికి దక్షిణాన కుచూర్, పశ్చిమాన యన్మన్‌గండ్ల, ఉత్తరాన లోకిరేవు గ్రామాలుండగా, తూర్పున బాలానగర్ మండలం సరిహద్దుగా ఉన్నది.

జనాభా:
2001 లెక్కల ప్రకారం గ్రామ జనాభా 3725. ఇందులో పురుషులు 1890, మహిళలు 1835. గృహాల సంఖ్య 684.

రాజకీయాలు:
2013, జూలై 27న జరిగిన గ్రామపంచాయతి ఎన్నికలలో గ్రామ సర్పంచిగా భూపాల్ రెడ్డి ఎన్నికయ్యారు.

గ్రామ ప్రముఖులు:
కొత్లాపురం మఠం రాచయ్య 1900లో జన్మించారు. 1949లో ఈయన "మహాత్మాగాంధీ సంపూర్ణ జీవిత చరిత్ర" సాహిత్య నాటకం రచించారు. రాచయ్య గ్రామానికి తొలి సర్పంచిగా పనిచేశారు. 1952-53లో ఉన్నత పాఠశాల వ్యవస్థాపనలో కీలకపాత్ర వహించారు. గురుకుంటలోని ఆది బసవేశ్వర స్వామి ఆలయ అభివృద్ధికి కృషిచేశారు.

విభాగాలు: నవాబ్ పేట మండలంలోని గ్రామాలు,

 = = = = =