నేరెడిగొండ మండలం (Neredigonda Mandal)

నేరెడిగొండ మండలం జిల్లా ఆదిలాబాదు రెవెన్యూ డివిజన్ ఆదిలాబాదు అసెంబ్లీ నియోజకవర్గం బోథ్ లోకసభ నియోజకవర్గం ఆదిలాబాదు పర్యాటక ప్రాంతం కుంటాల జలపాతం, జనాభా 24632 (2001), 28760 (2011) నేరెడిగొండ ఆదిలాబాదు జిల్లాకు చెందిన మండలము. ఈ మండలము ఆదిలాబాదు రెవెన్యూ డివిజన్, బోథ్ అసెంబ్లీ నియోజకవర్గం, ఆదిలాబాదు లోకసభ నియోజకవర్గంలో భాగంగా ఉన్నది. మండల కేంద్రము 19° 16' 12'' ఉత్తర అక్షాంశం మరియు 78° 24' 26'' తూర్పు రేఖాంశంపై ఉన్నది. ఆంధ్రప్రదేశ్‌లో ఎత్తయిన కుంతల జలపాతం ఈ మండలంలో కడెం నదిపై ఉంది. నేరెడిగొండ, ఇచ్ఛోడ సరిహద్దులో కడెం నది ప్రవహిస్తోంది. ఈ మండలంలోని అన్ని గ్రామాలు పూర్వపు బోథ్ తాలుకాలోనివే. పూర్వం వైఢూర్యపురంగా పేరుపొందిన వడూరు ఈ మండలంలోనేఉంది. 44వ నెంబరు జాతీయ రహదారి మండలం గుండా వెళ్ళుచున్నది. ఈ మండలంలో కొండలు అధికం. స్వాతంత్ర్య సమరయోధుడు బొందిడి వెంకటరావు ఈ మండలంలోని వడూరుకు చెందినవారు. ఆదిలాబాదు జిల్లాలో ఈ మండలం కోడ్ సంఖ్య 21. జనాభా: 2001 లెక్కల ప్రకారం మండల జనాభా 24632. 2011 లెక్కల ప్రకారం మండల జనాభా 28760. ఇందులో పురుషులు 14347, మహిళలు 14413. కుంటాల జలపాతం ముందు బ్లాగు రచయిత కుంటాల జలపాతం: కుంటాల జలపాతం నేరెడిగొండ మండలం కుంటాల సమీపంలో కడెం నదిపై ఉంది. ఇది రాష్ట్రంలోనే అతి ఎత్తయిన జలపాతం. మండల కేంద్రానికి 12 కిమీ దూరంలో దట్టమైన అటవీప్రాంతంలో ఉంది. దీనికి ముందుగా కడెం జలాశయం ఉంది. 45మీటర్లు ఎత్తు నుంచి జాలువారే నీటిధారలతో జలపాతం ఏర్పడింది. జలపాతంలో సుడిగుండాలున్నాయి. ఎందరో వ్యక్తులు సుడి గుండాలలో పడి మరణించారు. జలపాతం మధ్యలో ఒక గుహ ఉంది. ఈ గుహలో సోమేశ్వర లింగం పూజలందుకుంటున్నది. విభాగాలు: ఆదిలాబాదు జిల్లా మండలాలు, ఆదిలాబాదు రెవెన్యూ డివిజన్, బోథ్ అసెంబ్లీ నియోజకవర్గం, నేరడిగొండ మండలము,   = = = = =