నూకల చినసత్యనారాయణ (Nookala China Satyanarayana)

నూకల చినసత్యనారాయణ
జననం	ఆగస్టు 4, 1927
స్వస్థలం	అనకాపల్లి
రంగం	సంగీత విధ్వాంసుడు
మరణం	జూలై 11, 2013

సంగీత విధ్వాంసుడు, పద్మభూషణ్ అవార్డు గ్రహీత నూకల చినసత్యనారాయణ విశాఖపట్టణం జిల్లా అనకాపల్లిలో ఆగస్టు 4, 1927న జన్మించారు. ద్వారం వెంకటస్వామినాయుడు వద్ద శిష్యరికం చేసి తర్వాత విజయనగర మహారాజ సంగీత కళాశాల, తెలుగు విశ్వవిద్యాలయంలో అధ్యాపకుడిగా పనిచేశారు.

సంగీత ప్రపంచానికి ఆయన చేసిన సేవలకు గాను అన్నమాచార్య విద్వన్మణి అవార్డు, నాదనిధి పురస్కారం పొందారు. బాలమరళికృష్ణ చేతులమీదుగా గండపెండేరం స్వీకరించారు. పుట్టపర్తిలో ఈయన చేసిన సంగీత కచేరికి ముగ్దులైన సాయిబాబా ఈయనకు వజ్రపు ఉంగరాన్ని బహుకరించారు.

సంగీతానికి సంబంధించి చినసత్యనారాయన పలు రచనలు చేశారు. రాగలక్షణ సంగ్రహం అనే 3 సంపుటాలు వెలువరించారు. త్యాగరాజ సారస్వత సర్వస్వంను రచించారు.తన జీవితకాలంలో ఎందరినో సంగీత విధ్వాంసులుగా తీర్చిదిద్దిన చినసత్యనారాయణ 86 సంవత్సరాల వయస్సులో జూలై 11, 2013న మరణించారు.

విభాగాలు: విశాఖపట్టణం జిల్లా ప్రముఖులు, అనకాపల్లి మండలము, సంగీత విధ్వాంసులు, 1927లో జన్మించినవారు, 2013లో మరణించినవారు,

 = = = = =