రావూరి భరద్వాజ (Ravuri Bharadwaja)

రావూరి భరద్వాజ జననం జూలై 5, 1927 స్వస్థలం మొగులూరు (కృష్ణా జిల్లా) రంగం రచయిత అవార్డులు జ్ఞాన్‌పీఠ్ అవార్డు (2012), మరణం అక్టోబరు 18, 2013 ప్రముఖ రచయిత, జ్ఞాన్‌పీఠ్ అవార్డు గ్రహీత రావూరి భరద్వాజ జూలై 5, 1927న కృష్ణా జిల్లా మోగులూరు గ్రామంలో జన్మించారు. వీరిది దేశభక్తుల కుటుంబం. తండ్రి స్వాతంత్ర్య సంగ్రామంలో పాల్గొన్నారు. పేదరికంతో చినిగిన బట్టలు వేసుకున్నందుకు తరగతి గదిలో జరిగిన అవమానాల కారణంగా 8వ తరగతి అభ్యసిస్తున్నప్పుడు మధ్యలోనే చదుపు ఆపివేశారు. బతుకు పోరాటం కోసం కూలీగా పనిచేశారు. తిండి కోసం సైన్యంలో చేరారు.  1948లో వివాహం అనంతరం తెనాలిచేరి అక్కడ ఒక ప్రెస్సులో పనిచేశారు. కొన్నాళ్ళ తర్వాత ఒక పత్రికకు ఉపసంపాదకుడైనారు. ఆ ఉద్యోగానికి రాజీనామా చేసి కొన్నాళ్ళు ఒక కంపెనీలో సేల్స్‌మన్‌గా, ఆ తర్వాత హైదరాబాదు ఆకాశవాణి కేంద్రంలో కళాకారునిగా చేరినారు.పేదరికం నుంచి జ్ఞానపీఠ్ అవార్డు వరకు అతను సాగించిన జీవన సమరం ఎన్నో మలుపులు తిరిగింది 2013, అక్టోబరు 18న రావూరి మరణించారు. రచనా ప్రస్థానం: భరద్వాజ తన తొలి కథను 16 ఏళ్ల ప్రాయంలో వ్రాశారు. ఇది జానపద శైలిలోసాగే కథ. భరద్వాజపై చలం ప్రభావం అధికంగా ఉన్నది. చిన్నప్పుడు తాను పడ్డ కష్టాలు, బాధలు రావూరి రచనల్లో ప్రస్పుటంగా కనిపిస్తాయి. ఆయన రచనలో సాహిత్యమే కాదు, సాంఘిక విలువలూ కనిపిస్తాయి. రావూరి భరద్వాజను నిలబెట్టే రచనల్లో అతి ముఖ్యమైనది పాకుడురాళ్లు నవల. భరద్వాజ దీనికి మాయ జలతారు అని నామకరణం చేశారు. అయితే శీలా వీర్రాజు పాకుడురాళ్లు అనే పేరు పెట్టారు. మూడు సంవత్సరాలపాటు కృష్ణా పత్రికలో ధారావాహికగా వెలువడిన పాకుడురాళ్లు నవలపై శ్రీకృష్ణదేవరాయ, శ్రీ వేంకటేశ్వర విశ్వవిద్యాలయాల్లో పరిశోధనలు జరగడం విశేషం. గుర్తింపులు: 1968 లో రావూరికి రాష్ట్ర సాహిత్య అకాడమీ అవార్డు, 1983లో కేంద్ర సాగిత్య అకాడమీ ఆవార్డు లభించాయి. 1987లో సోవియట్ లాండ్ నెహ్రూ అవార్డు పొందారు. అదే ఏడాది రాజాలక్ష్మి పురస్కారం లభించింది. 1980లో ఆంధ్ర విశ్వవిద్యాలయం, 1987లో జవర్‌లాల్ నెహ్రూ సాంకేతిక విశ్వవిద్యాలయం, 1991లో నాగార్జున విశ్వవిద్యాలయం రావూరికి గౌరవ డాక్టరేట్లు ప్రదానం చేసి గౌరవించాయి. 2012లో విశిష్టమైన జ్ఞానపీఠ అవార్డు పాకుడురాళ్ళు నవలకు గాను లభించింది. ఏప్రిల్ 17, 2013న ఈయనకు ప్రకటించబడ్డ జ్ఞాన్‌పీఠ్ అవార్డు తెలుగు సాహిత్యానికే గర్వకారణం. విశ్వనాథ సత్యనారాయణ, సి.నారాయణరెడ్డిల సరసన ఇతన్ని ఈ అవార్డు చేర్చిననూ రచనా ప్రపంచంలో ఇతని శైలి మాత్రం అంతకంటె గొప్పది. విభాగాలు: కృష్ణా జిల్లా రచయితలు, కేంద్ర సాహిత్య అకాడమీ అవార్డు గ్రహీతలు, జ్ఞాన్‌పీఠ్ అవార్డు గ్రహీతలు, 1927లో జన్మించినవారు, 2013లో మరణించినవారు,  = = = = =