పైడిమర్రి సుబ్బారావు (Paidimarri Subbarao)

పైడిమర్రి సుబ్బారావు జననం జూన్ 10, 1916 స్వస్థలం అన్నెపర్తి (నల్గొండ జిల్లా) పదవులు జిల్లా కోశాధికారి రచనలు "ప్రతిజ్ఞ", మరణం ఆగస్టు 13, 1988 భారత జాతీయ "ప్రతిజ్ఞ" రూపకల్పన చేసిన పైడిమర్రి సుబ్బారావు నల్గొండ జిల్లా అన్నెపర్తిలో జూన్ 10, 1916న జన్మించారు. ఇతని విద్యాభ్యాసం నల్లగొండలోనే జరిగింది. పైడిమర్రి సుబ్బారావు బహు భాషావేత్త, మంచి రచయిత. ఇంగ్లీషు, తెలుగు, ఉర్దూ, పారసీ, సంస్కృతం భాషలలో ప్రావీణ్యం ఉంది. ఆయన తన 18వ ఏటనే ‘కాలభైరవుడు’ (1936) పేరున చిన్న నవల రాశారు. పలు నాటకాలు కూడా రచించారు. గోలకొండ, సుజాత, ఆంధ్రపవూతిక, భారతి, నవజీవన్, ఆనందవాణి పత్రికలలో వీరి రచనలు ప్రచురితమైనాయి.1945-46 లలో నల్లగొండ లో జరిగిన ఆంధ్రసారస్వత పరిషత్తు సభలలో ప్రముఖ పాత్ర వహించారు. ఇతను జిల్లా కోశాధికారిగా పనిచేసి పదవివిరమణ పొందారు. ఆగస్టు 13, 1988న సుబ్బారావు మరణించారు. 1962 చైనా యుద్ధ సమయంలో మన విద్యార్థులలో దేశభక్తిని పెంపొందించాలనే ఉద్దేశ్యంతో పైడిమర్రి ‘ప్రతిజ్ఞ’కు రూపకల్పన చేశారు. అప్పటి ముఖ్యమంత్రి కాసు బ్రహ్మానందరెడ్డి 1965, జనవరి 26వ తేదీనుండి ప్రతి పాఠశాలలో ఉదయాన్నే విద్యార్ధుల అసెంబ్లీ సమయంలో ఈ ప్రతిజ్ఞ చేసేలా ప్రభుత్వం ఉత్తర్వులు జారీచేయించారు. తర్వాత ఇది అన్ని భారతీయ భాషల్లోను అనువదించబడింది. విభాగాలు: నల్గొండ జిల్లా రచయితలు, నల్గొండ మండలము, 1916లో జన్మించినవారు, 1988లో మరణించినవారు,  = = = = =