అక్కినేని నాగేశ్వర రావు (Akkineni Nageswara Rao)

అక్కినేని నాగేశ్వర రావు (1923-2014) జననం సెప్టెంబర్ 20, 1924 స్వస్థలం రామాపురం (కృష్ణా జిల్లా) రంగం సినీ నటుడు, అవార్డులు పద్మవిభూషణ్, దాదాసాహెబ్ ఫాల్కే మరణం జనవరి 22, 2014 ప్రముఖ తెలుగు సినీనటుడైన అక్కినేని నాగేశ్వర రావు సెప్టెంబర్ 20, 1923న కృష్ణా జిల్లా నందివాడ మండలం రామాపురం లో జన్మించారు. చిన్నవయస్సులోనే నాటకరంగంవైపు ఆకర్షితుడై అనేక నాటకాలలో నాయిక పాత్రలను ధరించారు. 1940 లో విడుదలైన "ధర్మపత్ని" ఆయన నటించిన మొదటి చిత్రం. అయితే పూర్తి స్థాయి కధా నాయకుడిగా నటించిన మొదటి చిత్రం "శ్రీ సీతారామ జననం" (1944). దాదాసాహెబ్ ఫాల్కే, పద్మవిభూషణ్‌లతో సహా పలు అవార్డు పొందారు. 2014, జనవరి 22న మరణించారు. సినీప్రస్థానం: 1940లో తొలిసారిగా ధర్మపత్ని సినిమాలో నటించారు. 1944లో విడుదలైన శ్రీరామజననంలో తొలిసారిగా కథానయకుడిగా నటించారు. ఆ తర్వాత బాలరాజు, కీలుగుర్రం, లైలామజ్ను, దేవదాసు, విప్రనారాయణ, దొంగరాముడు, మహాకవి కాళిదాసు, తెనాలి రామకృష్ణ, మాయాబజార్, తోడికోడళ్ళు, బాటసారి, అనార్కలి, మూగమనసులు, మంచిమనసులు, ఆత్మబలం, అంతస్తులు, ఇద్దరు మిత్రులు, అమరశిల్పి జక్కన, దసరా బుల్లోడు, బంగారు బాబు, ప్రేమ నగర్, భక్త తుకారాం, సెక్రెటరీ, మహకవి క్షేత్రయ్య, ప్రేమాభిషేకం, బహుదూరపు బాటసారి, సీతారామయ్య గారి మనవరాలు, సూత్రధారులు, కాలేజీ బుల్లోడు, శ్రీ రామదాసు మొదలైన చిత్రాల్లోని పాత్రలతో అప్రతిహతంగా కొనసాగింది. మట్టి మనుషులు, ఒకే ఒక్కడు టీవీ సీరియల్స్ లో కూడా ఆయన నటించారు. గుడివాడలోని కళాశాలకు భూరి విరాళమిచ్చినందుకు ఆ కళాశాలకు అక్కినేని నాగేశ్వరరావు పేరిట ANR కళాశాల అని నామకరణం చేశారు. సమాజ నిర్మాణానికి తోడ్పడడానికి "సుడిగుండాలు", "మరో ప్రపంచం" వంటి సందేశాత్మక చిత్రాలను ఆదుర్తి సుబ్బారావుతో "చక్రవర్తి చిత్ర" పతాకంపై నిర్మించారు. అక్కినేని నాగేశ్వర రావు జనరల్ నాలెడ్జి గుర్తింపులు: ఉత్తమనటుడిగా 5 సార్లు బంగారునంది అవార్డు, 3 సార్లు ఫిలింఫేర్ అవార్డులు పొందినారు. 1968లో పద్మశ్రీ, 1988లో పద్మభూషణ్, 1989లో రఘుపతి వెంకయ్య అవార్డు, 1990లో దాదాసాహెబ్ ఫాల్కే అవార్డు, 1995లో ఎన్టీయార్ అవార్డు, 2011లో పద్మవిభూషణ్ స్వీకరించారు. ఇవి కూడా చూడండి: రఘుపతి వెంకయ్య అవార్డు గ్రహీతలు, దాదాసాహెబ్ ఫాల్కే అవార్డు గ్రహీతలు, విభాగాలు: తెలుగు సినిమా నటులు,  కృష్ణా జిల్లా ప్రముఖులు, నందివాడ మండలం, దాదాసాహెబ్ ఫాల్కే అవార్డు గ్రహీతలు, పద్మవిభూషణ్ గ్రహీతలు, 1923లో జన్మించినవారు,2014లో మరణించినవారు,  = = = = =