కొందుర్గ్ (Kondurg)

కొందుర్గ్ గ్రామము గ్రామము కొందుర్గ్ మండలము కొందుర్గ్ జిల్లా మహబూబ్‌నగర్ జనాభా 6176 (2001) పోస్టల్ పిన్‌కోడ్ 509207 కొందుర్గ్ మహబూబ్‌నగర్ జిల్లాకు చెందిన గ్రామము మరియు మండల కేంద్రము. షాద్‌నగర్ నుంచి పరిగి వెళ్ళు ప్రధాన రహదారిపై ఉన్నది. ఇది చారిత్రకమైన ప్రాంతము. చరిత్రలో జిల్లేడు సంస్థానంగా పిలువబడ్డ జిల్లేడుకు ఈ గ్రామం సమీపంలో ఉంది. గ్రామంలో ఆంధ్రాబ్యాంకు శాఖ ఉంది. భౌగోళికం, సరిహద్దులు: కొందుర్గు గ్రామము మండలంలో దాదాపు మధ్యభాగంలో ఉన్నది. ఈ గ్రామానికి తూర్పున మహాదేవ్‌పూర్, ఈశాన్యమున పర్వతాపూర్, దక్షిణాన చెరుకుపల్లి, పశ్చిమాన తూంపల్లి, ఇంద్రానగర్, వాయువ్యాన వనంపల్లి, తుమ్మలపల్లి గ్రామాలు సరిహద్దులుగా ఉన్నాయి. జనాభా: 2001 లెక్కల ప్రకారం గ్రామ జనాభా 6176 (తూర్పు మరియు పశ్చిమ రెండూ రెవెన్యూ గ్రామాలు కలిపి). ఇందులో పురుషులు 3231, మహిళలు 2945. గృహాల సంఖ్య 1185. రవాణా సౌకర్యాలు: కొందుర్గు గ్రామము షాద్‌నగర్ నుంచి రంగారెడ్డి జిల్లాకు చెందిన పరిగి పట్టణానికి వెళ్ళు ప్రధాన రహదారిపై ఉన్నందున మంచి రవాణా సౌకర్యాలు కలవు. బస్సులు మరియు ప్రైవేట్ వాహనాలు అందుబాటులో ఉన్నాయి. రాజకీయాలు: 2013 జూలైలో జరిగిన గ్రామపంచాయతి ఎన్నికలలో సర్పంచిగా జహురాబీ ఎన్నికయ్యారు. విద్యాసంస్థలు: కస్తూర్బాగాంధీ బాలికా విద్యాలయ, న్యూ గీతాంజలి స్కూల్, జడ్పీ ఉన్నత పాఠశాల, ఆక్స్‌ఫర్డ్ ప్రాథమికోన్నత పాఠశాల, ప్రశాంత్ విద్యానికేతన్, కొందుర్గు గ్రామపంచాయతి కార్యాలయం ప్రాచీనచరిత్ర కలిగిన హనుమదాలయం కొందుర్గులోని శివాలయం లక్ష్మీనరసింహస్వామి ఆలయం విభాగాలు: కొందుర్గ్ మండలంలోని గ్రామాలు,   = = = = =