పి.పాండురంగారావు (P.Pandu Ranga Rao)

పి.పాండురంగారావు జననం మార్చి 5, 1975 స్వస్థలం చిన్నచింతకుంట హోదా జిల్లా ఆడిటు అధికారి, నల్గొండ గుర్తింపులు రాష్ట్ర స్థాయిలో జన్మభూమి అవార్డు (1997), జిల్లా స్థాయి ఉత్తమ గజిటెడ్ అధికారిగా గుర్తింపు (2013), పి.పాండురంగారావు మార్చి 5, 1975న మహబూబ్‌నగర్ జిల్లా చిన్నచింతకుంట మండల కేంద్రంలో జన్మించారు. స్థానికంగా హైస్కూలు వరకు విద్య అభ్యసించి, మహబూబ్‌నగర్‌లో బీఎస్సీ పూర్తిచేశారు. ఉస్మానియా విశ్వవిద్యాలయం నుంచి బీఎడ్, ఎంఏ (తెలుగు) పట్టా పొంది, కొంతకాలం తెలుగు ఉపాధ్యాయులుగా పనిచేసి, 2007లో గ్రూప్-1కు ఎన్నికై రాష్ట్ర ఆడిట్ (స్టేట్ ఆడిట్) శాఖ లో సహాయ ఆడిటు అధికారిగా చేరినారు. మే 2012 నుంచి మహబూబ్ నగర్ జిల్లా ఆడిటు అధికారి (ఇంచార్జి)గా బాధ్యతలు నిర్వహించారు. 2013 గణతంత్ర దినోత్సవం సందర్భంగా జిల్లా కలెక్టరు చేతుల మీదుగా ఉత్తమ గజిటెడ్ అధికారిగా గుర్తింపు పత్రం పొందారు. 2014లో జిల్లా ఆడిటు అధికారిగా పదోన్నతి పొంది నల్గొండ జిల్లా ఆడిటు అధికారిగా పనిచేస్తున్నారు. 2014 స్వాతంత్ర్య దినోత్సవం నాడు నల్గొండ జిల్లాలో కూడా ఉత్తమ గజిటెడ్ అధికారిగా ప్రశంసాపత్రం స్వీకరించారు. ప్రారంభ జీవనం: మార్చి 5, 1975న చిన్నచింతకుంటలో టైలరింగ్ వృత్తి నిర్వహిస్తున్న తల్లిదండ్రులకు చివరి (4వ) కుమారునిగా జన్మించిన పాండురంగారావు 10వ తరగతి వరకు స్థానికంగా జిల్లా పరిషత్తు హైస్కూలులో అభ్యసించారు. ఇంటర్మీడియట్ ఎంఎన్‌ఎస్ కళాశాల నుంచి, బీఎస్సీ డిగ్రీ ఎంవీఎస్ కళాశాల నుంచి పూర్తిచేశారు. 1998లో ఉస్మానియా విశ్వవిద్యాలయం నుంచి తెలుగులో ఎం.ఏ. పట్టా పొందడమే కాకుండా ఉస్మానియా విశ్వవిద్యాలయంలోనే తొలి ర్యాంకు పొందినారు. ఆ తదుపరి బీఎడ్ పూర్తిచేశారు. 1997-98లో పేదరిక నిర్మూలన కార్యక్రమం (DPIP) మహబూబ్‌నగర్ యూనిట్ కో-ఆర్డినేటర్‌గా పనిచేశారు. ఉద్యోగ బాధ్యతలు: 2002లో డీఎస్సీలో ఎంపికై కోయిలకొండ మండలం గాంధీనగర్ తండాలో కొంతకాలం ఉపాధ్యాయులుగా పనిచేశారు. 2007లో గ్రూప్-1కు ఎంపికై, రాష్ట్ర ఆడిటు శాఖలో సహాయ ఆడిటు అధికారిగా వనపర్తిలో బాధ్యతలు స్వీకరించారు. మే 2012 నుంచి జిల్లా ఆడిటు అధికారి (ఇంచార్జి)గా విధులు నిర్వహించి ఆ తర్వాత జిల్లా ఆడిటు అధికారిగా పదోన్నతిపై నల్గొండజిల్లాకు బదిలీ అయి ప్రస్తుతం అక్కడే పనిచేస్తున్నారు. గుర్తింపులు: 1997లో రాష్ట్రపతి చేతుల మీదుగా రాష్ట్ర స్థాయి జన్మభూమి అవార్డు స్వీకరించారు. 2013 జనవరి 26న జిల్లా కలెక్టరుచే ఉత్తమ గజిటెడ్ అధికారిగా గుర్తింపు పత్రం పొందినారు. 2014 ఆగస్టు 15న నల్గొండ జిల్లాలో ఉత్తమ గజిటెడ్ అధికారిగా ప్రశంసాపత్రం పొందారు. విభాగాలు: మహబూబ్‌నగర్ జిల్లా అధికారులు, చిన్నచింతకుంట మండలం,   = = = = =