సత్తుపల్లి అసెంబ్లీ నియోజకవర్గం (Sattupally Assembly Constituency)

సత్తుపల్లి అసెంబ్లీ నియోజకవర్గం ఖమ్మం జిల్లాకు చెందిన 10 అసెంబ్లీ నియోజకవర్గాలలో ఒకటి. 2009 నాటి నియోజకవర్గాల పునర్విభజన ప్రకారం ఈ నియోజకవర్గంలో 5 మండలాలున్నాయి. ఈ అసెంబ్లీ సెగ్మెంట్ ఖమ్మం లోకసభ నియోజకవర్గంలో భాగంగా ఉన్నది. గతంలో ఈనియోజకవర్గం నుంచి ముఖ్యమంత్రిగా పనిచేసిన జలగం వెంగళరావు ప్రాతినిధ్యం వహించారు. నియోజకవర్గ పరిధిలోని మండలాలు: 2009 నియోజకవర్గాల పునర్విభజన అనంతరం ఈ నియోజకవర్గం పరిధిలో 5 మండలాలు కలవు. తల్లాడ, సత్తుపల్లి, పెనుబల్లి, కల్లూరు, వేంసూరు సంవత్సరం గెలుపొందిన సభ్యుడు పార్టీ ప్రత్యర్థి ప్రత్యర్థి పార్టీ 1994 తుమ్మల నాగేశ్వరరావు తెలుగుదేశం పార్టీ జలగం ప్రసాదరావు కాంగ్రెస్ పార్టీ 1999 తుమ్మల నాగేశ్వరరావు తెలుగుదేశం పార్టీ పి.సుధాకర్ రెడ్డి కాంగ్రెస్ పార్టీ 2004 జలగం వెంకటరావు కాంగ్రెస్ పార్టీ తుమ్మల నాగేశ్వరరావు తెలుగుదేశం పార్టీ 2009 ఎస్.వెంకటవీరయ్య తెలుగుదేశం పార్టీ సంభాని చంద్రశేఖర్ కాంగ్రెస్ పార్టీ 2014 ఎస్.వెంకటవీరయ్య తెలుగుదేశం పార్టీ దయానంద్ వైకాపా 2018 సండ్ర వెంకటవీరయ్య తెలుగుదేశం పార్టీ పిడమర్తి రవి తెరాస 2004 ఎన్నికలు: 2004లో జరిగిన శాసనసభ ఎన్నికలలో కాంగ్రెస్ పార్టీకి చెందిన జలగం వెంకటరావు తన సమీప ప్రత్యర్థి తెలుగుదేశం పార్టీకి చెందిన తుమ్మల నాగేశ్వరరావుపై 9536 ఓట్ల ఆధిక్యతతో గెలుపొందినారు. వెంకటరావుకు 89986 ఓట్లు రాగా, నాగేశ్వరరావు 80450 ఓట్లు పొందినారు. 2009 ఎన్నికలు: 2009 శాసనసభ ఎన్నికలలో ఈ నియోజకవర్గం నుంచి తెలుగుదేశం పార్టీ అభ్యర్థి, పాలేరు మాజీ ఎమ్మెల్యే ఎస్.వెంకటవీరయ్య తన సమీప ప్రత్యర్థి, కాంగ్రెస్ పార్టీ అభ్యర్థి, రాష్ట్ర కుటుంబ సంక్షేమ శాఖ మంత్రి అయిన సంభాని చంద్రశేఖర్ పై 14008 ఓట్ల ఆధిక్యతతో విజయం సాధించారు. 2014 ఎన్నికలు: 2014 ఎన్నికలలో ఇక్కడి నుంచి తెలుగుదేశం పార్టికి చెందిన వెంకటవీరయ్య తన సమీప ప్రత్యర్థి వైఎస్సార్ కాంగ్రెస్ పార్టీకి చెందిన దయానంద్ పై 2778 ఓట్ల ఆధిక్యతతో విజయం సాధించారు. 2018 ఎన్నికలు: 2018 ఎన్నికలలో తెరాస తరఫున పిడమర్తి రవి, భాజపా తరఫున నంబూరి రామలింగేశ్వరరావు, ప్రజాకూటమి తరఫున తెలుగుదేశం పార్టీకి చెందిన సండ్ర వెంకటవీరయ్య పోటీచేశారు. తెలుగుదేశం పార్టీ అభ్యర్థి సండ్ర వెంకటవీరయ్య తన సమీప ప్రత్యర్థి, తెరాసకు చెందిన పిడమర్తి రవి పై 19002 ఓట్ల మెజారిటీతో విజయం సాధించారు. విభాగాలు: ఖమ్మం జిల్లా నియోజకవర్గాలు, ఖమ్మం లోకసభ నియోజకవర్గం, సత్తుపల్లి అసెంబ్లీ నియోజకవర్గం,    = = = = =