టి.సుబ్బరామిరెడ్డి (T,Subbarami Reddy)

టి.సుబ్బరామిరెడ్డి జననం సెప్టెంబరు 17, 1943 స్వస్థలం అల్లూరు (నెల్లూరు జిల్లా) రంగం పారిశ్రామికవేత్త, రాజకీయ నాయకుడు, అధ్యాత్మికవేత్త, సినిమా, టి.సుబ్బరామిరెడ్డి నెల్లూరు జిల్లాకు చెందిన ప్రముఖ పారిశ్రామికవేత్త మరియు రాజకీయ నాయకుడు. సెప్టెంబరు 17, 1943న నెల్లూరు జిల్లా అల్లూరులో జన్మించిన సుబ్బరామిరెడ్డి తన అన్నయ్య టి.చంద్రశేఖర్ రెడ్డి మరణానంతరం 18 ఏళ్ళ వయస్సులోనే వ్యాపారరంగంలో ప్రవేశించారు. పవర్ ప్రాజెక్టులు, హోటళ్ళు, టౌన్‌షిప్‌లు తదితర రంగాలలో వ్యాపారాలు నిర్వహిస్తున్నారు. హైదరాబాదులోని మహేశ్వరి, పరమేశ్వరి జంట థియేటర్లు కూడా ఈయనే నిర్మించారు. ఈయన టీఎస్సార్ గా ప్రసిద్ధి చెందారు. రాజకీయ ప్రస్థానం: టీఎస్సార్ 1996, 1998లలో విశాఖపట్టణం లోకసభ నియోజకవర్గం నుంచి 2 సార్లు విజయం సాధించారు. 2002, 2008లలో రెండుసార్లు రాజ్యసభ సభ్యులుగా ఎన్నికయ్యారు. 2014 జనవరిలో మూడవసారి రాజ్యసభ సభ్యులుగా అవకాశం లభించింది. కేంద్రంలో గనులశాఖ మంత్రిగా కూడా పనిచేశారు. సినిమాలు, భక్తిభావం: టీఎస్సార్‌కు హిందూమతం పైనా, భక్తిభావం పైనా ఎనలేని గౌరవం ఉంది. భగవద్గీత, స్వామి వివేకానంద జీవితచరిత్రను సామాన్యులకు అర్థమయ్యే రీతిలో సినిమాలు నిర్మించారు. 1978లో హైదరాబాదులో మహేశ్వరి, పరమేశ్వరి జంట థియేటర్లు నిర్మించారు. ఈయన తీసిన భగవద్గీత సినిమా 1993లో జాతీయ స్థాయిలో స్వర్ణకమలం బహుమతిని అందుకుంది.  విభాగాలు: నెల్లూరు జిల్లా ప్రముఖులు, 11వ లోకసభ సభ్యులు, 12వ లోకసభ సభ్యులు, రాజ్యసభ సభ్యులు,  = = = = = సంప్రదించిన గ్రంథాలు, వెబ్‌సైట్లు: ఆంగ్ల వికీపీడియా,