దేవులపల్లి కృష్ణశాస్త్రి (Devulapalli Krishna Sastri)

దేవులపల్లి కృష్ణశాస్త్రి జననం నవంబరు 1, 1897 స్వస్థలం చంద్రమపాలెం (పిఠాపురం వద్ద) రంగం తెలుగు సాహిత్యం, సినిమా పాటలు, మరణం ఫిబ్రవరి 24, 1980 దేవులపల్లి కృష్ణశాస్త్రి ప్రముఖ తెలుగు సాహితీవేత్త. ఆంధ్రాషెల్లీగా ప్రఖ్యాతిచెందిన కృష్ణశాస్త్రి నవంబరు 1, 1897న తూర్పు గోదావరి జిల్లా పిఠాపురం సమీపంలోని చంద్రమపాలెంలో జన్మించారు. తండ్రి పిఠాపురం రాజు ఆస్థాన పండితుడు. తండ్రి ప్రభావం ఇతనిపై కూడా పడింది. కృష్ణశాస్త్రి భావకవిత్వానికి పెద్దపీఠ వేశారు. కృష్ణశాస్త్రి తన అధ్యాపకవృత్తిని వదలి బ్రహ్మసమాజంలో చురుకుగా పాల్గొన్నారు. అదేసమయంలో సాహితీ వ్యాసంగం కూడా కొనసాగించారు. 1920లో వైద్యంకోసం రైలులో బళ్ళారి వెళుతుండగా నల్లమల అడవులలోని ప్రకృతి నుండి లభించిన ప్రేరణ కారణంగా "కృష్ణపక్షం కావ్యం" రూపు దిద్దుకొంది. 1922లో భార్యా వియోగానంతరం అతని రచనలలో విషాదం అధికమయ్యింది. భావ కవిగా, ‘ఆంధ్రా షెల్లీ ’గా ప్రసిద్ధులైన దేవులపల్లి వేంకట కృష్ణశాస్త్రి 1942లో బి.ఎన్.రెడ్డి ప్రోత్సాహంతో మల్లీశ్వరి చిత్రానికి పాటలు వ్రాశారు. తరువాత అనేక చిత్రాలకు పాటలు అందించారు. రాజమకుటం, సుఖదుఃఖాలు, కలిసిన మనసులు, అమెరికా అమ్మాయి, గోరింటాకు మొదలైన చిత్రాల్లో 170 పాటలు రాశారు. గొప్ప వక్తగా, రచయితగా, భావకవుల ప్రతినిధిగా పేరుపొందిన కృష్ణశాస్త్రి గొంతు 1963లో అనారోగ్యకారణంగా మూగవోయింది. కాని అతని రచనా పరంపర కొనసాగింది. అతనికి అనేక సన్మానాలు ప్రశంసలు లభించాయి. కృష్ణశాస్త్రి 1975లో కళాప్రపూర్ణ బిరుదును, 1976లో పద్మభూషణ్ బిరుదును, 1978లో కేంద్ర సాహిత్య అకాడమీ అవార్డును పొందారు. 1980 ఫిబ్రవరి 24న కృష్ణశాస్త్రి మరణించారు. విభాగాలు: తూర్పు గోదావరి జిల్లా ప్రముఖులు, తెలుగు సినిమా పాటల రచయితలు, 1897లో జన్మించినవారు, 1980లో మరణించినవారు,   = = = = = సంప్రదించిన గ్రంథాలు, వెబ్‌సైట్లు: తెలుగు సాహితీవేత్తలు,