గంగాపురం హనుమచ్ఛర్మ (Gangapuram Hanumaccharma)

గంగాపురం హనుమచ్ఛర్మ (1925-1996) జననం 1925 స్వస్థలం వేపూరు ప్రముఖ రచనలు దుందుభి మరణం ఆగస్టు 15, 1996 గంగాపురం హనుమచ్ఛర్మ పాలమూరు జిల్లాకు చెందిన ప్రముఖ కవులలో ఒకరు. ఈయన 1925లో వేపూరు గ్రామంలో జన్మించారు. సంస్కృతాంధ్త విధ్వాంసులైన గంగాపురం హనుమచ్ఛర్మ "దుందుభి" కావ్యం వల్ల ప్రసిద్ధులైనప్పటికీ తెలుగు, సంస్కృత భాషలలో పలు గ్రంథాలు రచించారు. 1996, ఆగస్టు 15న మరణించారు. బాల్యం: 1925లో వేపూరు గ్రామంలో జన్మించిన హనుమచ్ఛర్మ వేపూరు, కల్వకుర్తి, మార్చాలలో అభ్యసించారు. చిన్న వయస్సులోనే పలు పండితుల వద్ద శిక్షణ పొంది పాండిత్యం సంపాదించారు. జీవనం: అభ్యసన అనంతరం పురోహితునిగా, పురాణ ప్రవచకుడిగా ప్రజలకు సన్నిహితుడైనారు. గ్రంథాలయ ఉద్యమంతో పాటు, భూదాన, సర్వోదయ ఉద్యమాలలో పాల్గొన్నారు. గుండూరు గ్రామ సర్పంచిగా కూడా ఎన్నికై గ్రామాభివృద్ధికి పాటుపడ్డారు. ఎమ్మెల్యేగా ఎన్నికైన పి.రాములు ఈయన రాజకీయ శిధ్యుడు కాగా, ప్రముఖ కవి ముకురాల రామారెడ్డి ఈయన సాహితీ శిష్యుడు. విభాగాలు: మహబూబ్‌నగర్ జిల్లా రచయితలు, కల్వకుర్తి మండలం, 1925లో జన్మించినవారు, 1996లో మరణించినవారు,   = = = = = సంప్రదించిన గ్రంథాలు, వెబ్‌సైట్లు: తెలుగు వికీపీడియా, పాలమూరు ఆధునిక యుగ కవుల చరిత్ర, రచన: ఆచార్య ఎస్వి రామారావు