మాలతీ చందూర్ (Malathi Chandoor)

మాలతీ చందూర్ (1930-2013) జననం 1930 స్వస్థలం నూజివీడు రంగం రచయిత్రి అవార్డులు కేంద్ర సాహిత్య అకాడమీ అవార్డు (1992) మరణం ఆగస్టు 21, 2013 తెలుగు రచయిత్రిగా పేరుపొందిన మాలతీ చందూర్ 1930లో కృష్ణా జిల్లా నూజివీడులో జన్మించారు. ఆంధ్రప్రభ వారపత్రికలో "ప్రమదావనం" శీర్షికను అత్యంత ఎక్కువకాలం నిర్వహించి గిన్నిస్ రికార్డు సృష్టించారు. చీరాల పేరాల ఉద్యమ నేపథ్యంలో రచించిన "హృయదనేత్రి" నవలకు గాను 1992లో కేంద్ర సాహిత్య అకాడమీ అవార్డు పొందినారు. ఆగస్టు 21, 2013న చెన్నైలో మాలతీ చందూర్ మరణించారు. బాల్యం: మాలతీ 1930లో నూజివీడులో జన్మించి 8వ తరగతి వరకు అక్కడే అభ్యసించింది. ఆ తర్వాత ఏలూరు వెళ్ళింది. ఏలూరులో ఆమె ఉంటున్న ఇంటి సమీపంలో "కథావీధి" అనే సాహిత్య పత్రిక కార్యాలయం ఉండేది. అక్కడికి శ్రీశ్రీ, విశ్వనాథ సత్యనారాయణ, కృష్ణశాస్తి, నండూరి సుబ్బారావు తదితరలు వస్తుండేవారు. వీరి ప్రభావం ఈమెపై పడింది. 1947లో చందూర్‌తో వివాహం జరిగిన తర్వాత చెన్నై వెళ్ళిపోయారు. 1949లో రచనలు ప్రారంభించారు. రచనలు: ఆంధ్రప్రభ వారపత్రికలో "ప్రమదావనం" పేరుతో రెండు దశాబ్దాలకుపైగా శీర్షిక నిర్వహించింది. ఈ శీర్షికలో వంటలు, వార్పులే కాకుండా ఇంగ్లీషు నవలలను పరిచయం చెయ్యటం, విదేశాలలో తిరిగి వచ్చిన వారి చేత వారి అనుభవాలు రాయించటం మొదలైనవి చేస్తూ ఆడవారికి ఒక సలహాదారుగా ఉండి, వారి ప్రశ్నలకు సమాధానాలు ఇచ్చేది. పలు పుస్తకాలు, నవలలు కూడారచించారు. 1992లో కేంద్ర సాహిత్య అకాడమీ అవార్డు పొందిన మాలతీ చందూర్ ఆగస్టు 21, 2013న చెన్నైలో మరణించారు. విభాగాలు: తెలుగు రచయితలు, కృష్ణా జిల్లా ప్ర్తముఖులు, నూజివీడు, 1930లో జన్మించినవారు, 2013లో మరణించినవారు,   = = = = = సంప్రదించిన గ్రంథాలు, వెబ్‌సైట్లు: తెలుగు వికీపీడియా, తెలుగు రచయితలు,