మసాల ఈరన్న (Masala Eeranna)

మసాల ఈరన్న జననం 1934 స్వస్థలం ఆలూరు (కర్నూలు జిల్లా) పదవులు 3 సార్లు ఎమ్మెల్యే, జడ్పీ చైర్మెన్, మరణం ఏప్రిల్ 24, 2014 మసాల ఈరన్న కర్నూలు జిల్లాకు చెందిన రాజకీయ నాయకుడు. 1934లో ఆలూరులో జన్మించిన మసాల ఈరన్న 3 సార్లు శాసనసభకు, ఒకసారి జిల్లా పరిషత్తు చైర్మెన్‌గా ఎన్నికైనారు. దేవాలయాలలో దళితులకు ఆలయప్రవేశం, ఆర్టీసి బస్సులలో ఎమ్మెల్యే, ఎంపీలకు రిజర్వేషన్ కల్పించడానికి కృషిచేశారు. 80 సంవత్సరాల వయసులో ఏప్రిల్ 24, 2014న మరణించారు. రాజకీయ ప్రస్థానం: 1964లో రాజకీయ ప్రవేశం చేసిన మసాల ఈరన్న 1965లో ఆలూరు గ్రామపంచాయతి వార్డు సభ్యునిగా గెలుపొందారు. 1967 శాసనసభ ఎన్నికలలో ఆలూరు అసెంబ్లీ నియోజకవర్గం నుంచి ఇండిపెండెంటుగా పోటీచేసి ఓడిపోయారు. 1970లో మరోసారి గ్రామపంచాయతి వార్డు సభ్యునిగా విజయం సాధించారు. 1978లో ఇందిరా కాంగ్రెస్ తరఫున పోటీచేసి జనతాపార్టీ అభ్యర్థిపై గెలుపొందినారు. 1983లో తెలుగుదేశం పార్టీ అభ్యర్థి చేతిలో ఓడీపోయారు. 1985లో తెలుగుదేశం పార్టీ అభ్యర్థిపై విజయం సాధించి రెండోసారి ఎమ్మెల్యే అయ్యారు. 1987లో జరిగిన జిల్లా పరిషత్తు చైర్మెన్ ప్రత్యక్ష ఎన్నికలలో కాంగ్రెస్ పార్టీ తరఫున ఎన్నికై 1992 వరకు పనిచేశారు. 1994లో ఆలూరు నుంచి 3వ సారి విజయం సాధించారు. 1999లో తెలుగుదేశం పార్టీ తరఫున పోటీచేసి కాంగ్రెస్ అభ్యర్థి మారెప్ప చేతిలో పరాజయం పొందారు. 2007లో ఆలూరు జడ్పీటీసిగా కాంగ్రెస్ పార్టీ తరఫున గెలుపొందారు. ఆ తర్వాత కాంగ్రెస్ పార్టీకి రాజీనామా చేసి తెలుగుదేశం పార్టీలో చేరారు.  విభాగాలు: కర్నూలు జిల్లా ప్రముఖులు, ఆలూరు అసెంబ్లీ నియోజకవర్గం, ఆలూరు మండలము, కర్నూలు జిల్లా పరిషత్తు చైర్మెన్లు,  = = = = =