పురపాలక సంఘాల ఎన్నికలు 2014 (Muncipal Elections 2014)

పురపాలక సంఘాల ఎన్నికలు ఆంధ్రప్రదేశ్ మొత్తం 53 (తెలుగుదేశం పార్టీకి అత్యధికం) తెలంగాణ మొత్తం 53 (కాంగ్రెస్ పార్టీకి అత్యధికం) నగరపాలక సంస్థలు ఆంధ్రప్రదేశ్ మొత్తం 7 (తెదేపా 5, వైకాపా 2) తెలంగాణ మొత్తం 3 (మూడు చోట్లా హంగ్) 2014 పురపాలక సంఘాల ఎన్నికలు మార్చి 30న జరిగాయి. 2005లో జరిగిన ఎన్నికల గడుపు 2010లోనే ముగిసిననూ ప్రత్యేక అధికారుల పాలనలో ఉంచుతూ చివరికి కోర్టు ఉత్తర్వుల ప్రకారం మార్చి 30, 2014న న్నికలు నిర్వహించారు. ఎన్నికలు జరిగిన 44 రోజుల తర్వాత కౌంటింగ్ జరిగింది. అసెంబ్లీ, లోకసభ ఎన్నికలు ఉండటంతో ఈ ఎన్నికల ఫలితాల ప్రభావం ఆ ఎన్నిలకపై పడుతుందని కొందరు కోర్టుకు వెళ్ళడంతో వెంటనే కౌంటింగ్ జరుపుటకు సాధ్యపడలేదు. తెలంగాణలో 53 పురపాలక సంఘాలు, 3 నగర పాలక సంస్థలకు ఎన్నికలు జరిగాయి. ఆంధ్రప్రదేశ్ (సీమాంధ్ర)లో 92 పురపాలక సంస్థలు, 7 నగర పాలక సంస్థలకు ఎన్నికలు నిర్వహించారు. తెలంగాణలోని 53 పురపాలక సంఘాలలో అత్యధిక వార్డు స్థానాలను కాంగ్రెస్ పార్టీ చేజిక్కించుకుంది. 527 వార్డులు లభించగా రెండోస్థాబనంలో తెరాసకు 313 వార్డులు, తెలుగుదేశం పార్టీకి 161 వార్డూలు లభించాయి. కాంగ్రెస్ పార్టీకి 16 పురపాలక సంఘాలలో, తెలంగాణ రాష్ట్ర సమితి పార్టీకి 4, తెలుగుదేశం పార్టీకి 3, భారతీయ జనతాపార్టీకి 1, ఎంఐఎంకు 1 పురపాలక సంఘాలలో స్పష్టమైన మెజారిటీ లభించింది. మరో 28 పురపాలక సంఘాలలో హంగ్ ఏర్పడింది. 3 నగరపాలక సంస్థలలో ఎవరికీ స్పష్టమైన మెజారిటి లభించలేదు. కరీంనగర్‌లో తెరాస 24 స్థానాలు పొంది మరో 2 స్థానాలకు దూరంలో ఉంది. రామగుండంలో కాంగ్రెస్ పార్టీకి మరో 7 స్థానాలు కావలసి ఉన్నాయి. ఆంధ్రప్రదేశ్ పురపాలక సంఘాల వార్డులలో తెలుగుదేశం అత్యధిక స్థానాలు పొందినది. తెలుగుదేశం పార్టీకి 1400పైగా వార్డూలు లభించగా, రెండోస్థానంలో వైకాపా 900పైగా వార్డులలో విజయం సాధించింది. కాంగ్రెస్ పార్టీకి కేవలం 53 వార్డులు మాత్రమే లభించాయి. తెలుగుదేశం పార్టీ 62 పురపాలక సంఘాలలో, వైకాపా 17 పురపాలక సంఘాలలో స్పష్టమైన మెజారిటి సాధించగా మరో 13 పురపాలక సంఘాలలో హంగ్ ఏర్పడింది. 7 నగర పాలక సంస్థలలో తెలుగుదేశం పార్టికి 5 (రాజమండ్రి, ఏలూరు, విజయవాడ, చిత్తూరు, అనంతపురం), వైఎస్సార్ కాంగ్రెస్ పార్టీకి 2 (నెల్లూరు, కడప) లభించాయి. విభాగాలు: ఎన్నికలు, 2014, పురపాలక సంఘాలు,   = = = = =