కరాచి (Karachi)

కరాచి దేశం పాకిస్థాన్ అక్షాంశ, రేఖాంశాలు 24°51′N 67°02′E జనాభా 2,35,00,000 పాకిస్థాన్‌లో అతిపెద్ద నగరం, ప్రధాన నౌకాశ్రయం మరియు సింధ్ రాష్ట్ర రాజధాని అయిన కరాచి దేశంలో నైరుతి వైపున అరేబియా సముద్ర తీరాన ఉంది. 2,35,00,000 జనాభా కలిగివున్న కరాచి నగరం దేశ ఆర్థిక రాజధానిగా పేరుపొందింది. ఇది ప్రపంచంలోని పెద్ద నగరాలలో ఒకటి. 24°51′ ఉత్తర అక్షాంశం, 67°02′ తూర్పు రేఖాంశంపై ఉన్న కరాచి పాకిస్థాన్ మొదటి రాజధానిగా పనిచేసింది. చరిత్ర: క్రీస్తు పూర్వమే కరాచి చరిత్రలో పేరు సంపాదించుకుంది. తన నౌకలు బాబిలోనియా వెళ్ళడానికి వీలుగా అలెగ్జాండర్ ది గ్రేట్ ఈ ప్రాంతంలో తన స్థావరాన్ని ఏర్పాటు చేసుకున్నట్లు తెలుస్తుంది. క్రీ.శ.8వ శతాబ్దిలో మహమ్మదీయుల దాడి తర్వాతే ఇక్కడ గిరిజనులు కొలాచి పేరుతో గ్రామం స్థాపించుకున్నారు. అదే క్రమేణా పెరిగి పెద్దదై నగరంగా మారింది. 1839లో బ్రిటీష్ వారు స్వాధీనం చేసుకున్నారు. 1876లో పాకిస్తాన్ వ్యవస్థాపకుడు మహ్మద్ అలీ జిల్లా ఈ నగరంలోనే జన్మించాడు. 1947 వరకు ఈ నగరం అవిభక్త భారతదేశంలో ఉండగా ఆగస్టు 14, 1947న కొత్తగా ఏర్పడిన పాకిస్తాన్‌లో చేరింది. ఆర్థికం: కరాచి పాకిస్తాన్ యొక్క ఆర్థిక రాజధానిగా పిలువబడుతుంది. ఇది దేశంలోనే పెద్ద నగరమే కాకుండా ఓడరేవు సౌకర్యం కూడా ఉండటంతో వాణిజ్యపరంగా అభివృద్ధి సాధించింది. దేశ ఉత్పత్తి రంగంలో ఈ నగరం దాదాపు 30% వాటా కలిగియుంది. సిమెంటు, స్టీలు, వస్త్ర, భారీ యంత్రపరికరాల, రసాయన తదితర పరిశ్రమలు నగర పరిధిలో ఉన్నాయి.  క్రీడలు: కరాచిలో అత్యంత ప్రజాదరణ కలిగిన క్రీడ క్రికెట్. 1935లోనే కరాచిలోని నేషనల్ స్టేడియంలో అంతర్జాతీయ మ్యాచ్ నిర్వహించబడింది. ఇది పాకిస్తాన్‌లో రెండవ పెద్ద స్టేడియం. సచిన్ టెండుల్కర్ తన మొదటి టెస్ట్ మ్యాచ్ ఇక్కడే ఆడినాడు. విభాగాలు: పాకిస్తాన్ నగరాలు, ప్రపంచ ప్రసిద్ధి నగరాలు, అరేబియా సముద్ర తీరాన ఉన్న నగరాలు,  = = = = =