మడగాస్కర్ (Madagascar)

మడగాస్కర్ ఖండం ఆప్రికా రాజధాని ఆంటననారివో జనాభా 2.20 కోట్లు అధికార బాష మలగాసి, ఫ్రెంచి మడగాస్కర్ ఆప్రికా ఖండానికి ఆగ్నేయాన హిందూమహాసముద్రంలో ఉన్న ఒక ద్వీప దేశం. పూర్వం మలగాసి రిపబ్లిక్‌గా పిలువబడ్డ ఈ దేశ రాజధాని ఆంటననారివో. మడగాస్కర్ ద్వీపం ప్రపంచంలో 4వ పెద్ద ద్వీపం. ఈ ద్వీపమే కాకుండా ఈ దేశం పలు చిన్న ద్వీపాలకు కూడా కలిగియుంది. మలగాసి, ఫ్రెంచి ఈ దేశ అధికార భాషలు. 1960లో ఫ్రెంచి పాలన నుంచి ఇది స్వాతంత్ర్యం పొందింది. ఈ దేశ జనాభా సుమారు 2.20 కోట్లు. భౌగోళికం, సరిహద్దులు: ఈ దేశం 592,800 చదరపు కిలోమీటర్ల విస్తీర్ణం కలిగి ప్రపంచంలో 47వ పెద్ద దేశంగా ఉంది. 12°నుంచి 26° దక్షిణ అక్షాంశం మరియు 43° నుంచి 51° తూర్పు రేఖాంశంపై ఈ దేశం ఉపస్థితమై ఉంది. హిందూమహాసముద్రంలో ఉన్న ఈ దేశానికి సమీపంలో తూర్పువైపున మారిషస్ దేశం ఉంది. పశ్చిమాన ఉన్న ప్రధాన భూభాగదేశం మోజాంబిక్. చరిత్ర: 88 మిలియన్ సంవత్సరాల క్రితం మడగాస్కర్ భారతదేశ భూభాగంతో కలిసియున్నట్లు భూభౌతిక శాస్త్రవేత్తలు నిరూపించారు. క్రీ.పూ.350-క్రీ.శ.550 మధ్యకాలంలో బోర్నియో ద్వీపం నుంచి ప్రజలు ఇక్కడికి వలస వచ్చినట్లు చరిత్రకారుల కథనం. 18వ శతాబ్దం వరకు ద్వీపంలోని పలు ప్రాంతాల్లో పలువురు పాలించారు. 19వ శతాబ్దిలో పాలన సమైక్యంచేసి మెరీనా పాలకులు పాలించారు. 1897లో రాజవంశం విచ్ఛిన్నమై పాలన ఫ్రెంచివారిచేతిలోకి వెళ్ళింది. జూన్ 26, 1960న ఫ్రెంచి నుంచి మడగాస్కర్ స్వాతంత్ర్యం పొందింది. Home విభాగాలు: ప్రపంచ దేశాలు, ఆఫ్రికా దేశాలు, ద్వీపదేశాలు, హిందూ మహాసముద్రంలోని దేశాలు, 1960లో స్వాతంత్ర్యం పొందిన దేశాలు,   = = = = =