అభినవ్ బింద్రా (Abhinav Bindra)

అభినవ్ బింద్రా జననం సెప్టెంబరు 28, 1982 జన్మస్థానం డెహ్రాడూన్‌ రంగం షూటింగ్ క్రీడాకారుడు అంతర్జాతీయ స్వర్ణ పతకాల సంఖ్య 6 భారతదేశానికి చెందిన ప్రముఖ షూటింగ్ క్రీడాకారుడైన అభినవ్ బింద్రా సెప్టెంబరు 28, 1982న డెహ్రాడూన్‌లో జన్మించాడు. 10 మీటర్ల ఎయిర్ రైఫిల్ విభాగంలో 2008లో ఒలింపిక్ పతకాన్ని సాధించి వ్యక్తిగత విభాగంలో ఆ ఘనత సాధించిన తొలి భారతీయుడిగా రికార్డు సృష్టించాడు. 2014 కామన్వెల్త్ క్రీడలలో స్వర్ణాన్ని సాధించి వరసగా 4 కామన్‌వెల్త్ క్రీడలలో స్వర్ణాన్ని సాధించిన ఘనతను పొందాడు. క్రీడాప్రస్థానం: 1998లోనే 15 ఏళ్ళ వయస్సులో కామన్వెల్త్ క్రీడలలో పాల్గొన్న అభివన్ బింద్రా 2002లో మాంచెస్టర్ కామన్వెల్త్‌లో ఒక స్వర్ణపతకాన్ని, మరో కాంస్యపతకాన్ని సాధించాడు. 2006 మెల్బోర్న్ కామన్వెల్త్‌లో కూడా స్వర్ణపతకంతో పాటు రజత పతకాన్ని సాధించాడు. అదే ఏడాది జాగ్రెబ్‌లో జరిగిన ISSF ప్రపంచ షూటింగ్ చాంపియన్‌షిప్ పోటీలలో స్వర్ణాన్ని పొందినాడు. 2008లో బీజింగ్‌లో జరిగిన ఒలింపిక్ క్రీడలలో స్వర్ణపతకాన్ని సాధించి ఒలింపిక్ క్రీడలలోవ్ యక్తిగత పోటీలలో బంగారు పతకాన్ని పొందిన తొలి భారతీయుడిగా అవతరించాడు. 2010లో ఢిల్లీలో జరిగిన కామన్వెల్త్ క్రీడలలో స్వర్ణాన్ని మరియు కాంస్యాన్ని సాధించగా, 2014 గ్లాస్గో ఒలింపిక్స్‌లో కూడా 10 మీటర్ల ఎయిర్ రైఫిల్ విభాగంలో స్వర్ణాన్ని సాధించాడు. అవార్డులు: అంతర్జాతీయ క్రీడలలో భారతదేశానికి పేరుసాధించిపెట్టిన బింద్రాకు 2000లో అర్జున అవార్డు, 2001లో రాజీవ్ ఖేల్ రత్న అవార్డు, 2009లో పద్మవిభూషణ్ అవార్డులు లభించాయి. A Shot at History: My Obsessive Journey to Olympic Gold పేరుతో బింద్రా తన జీవితచరిత్రను రోహిత్‌బ్రిజ్‌నాథ్‌తో కలిసి ప్రచురించాడు. విభాగాలు: భారత క్రీడాకారులు, షూటింగ్ క్రీడాకారులు, 1982లో జన్మించినవారు, ఒలింపిక్ క్రీడలలో పతకం సాధించిన భారతీయులు, కామన్‌వెల్త్ క్రీడలలో పతకం సాధించిన భారతీయులు, పంజాబ్ క్రీడాకారులు,  = = = = =