పానగల్లు (Panagal)

పానగల్లు మండలము నల్గొండ జిల్లా నల్గొండ జనాభా 1157 (2001) దర్శనీయ ప్రదేశాలు ఛాయా సోమేశ్వరాలయం పానగల్లు నల్గొండ జిల్లా కేంద్రానికి 4 కిలోమీటర్ల దూరంలో ఉన్న గ్రామము. ఇది తెలంగాణ చరిత్రలో చారిత్రాత్మకమైన గ్రామము. ఇచ్చట 10 వ శతాబ్దికి చెందిన పురాతనమైన సోమేశ్వరాలయం ఉంది. ఇది కాకుండా అనేక ప్రాచీన ఆలయాలకు ఈ గ్రామం ప్రసిద్ధి చెందింది. ప్రముఖ స్వాతంత్ర్య సమరయోధుడు, న్యాయవాది, రాజకీయవాది, విప్లవకారుడు మరియు మానవతావాది అయిన కాంచనపల్లి చినరామారావు ఈ గ్రామంలోనే జన్మించారు. ఈ గ్రామం 17.07°ఉత్తర అక్షాంశం, 79.2° తూర్పు రేఖాంశంపై ఉంది. గ్రామ పిన్ కోడ్ నం. 508 001. జనాభా: 2001 లెక్కల ప్రకారం గ్రామ జనాభా 1157. ఇందులో పురుషులు 586, మహిళలు 571. గృహాల సంఖ్య 254. ఛాయా సోమేశ్వరాలయం: సుమారు వెయ్యేళ్ళ క్రితం కందూరు చోళులు పానగల్లును రాజధానిగా చేసుకొని పాలమూరు, నల్గొండ జిల్లా ప్రాంతలను పాలించినట్లు చరిత్ర ద్వారా తెలుస్తుంది. కాకతీయుల కాలంలో కూడా ఈ ఆలయం అభివృద్ధి చెందినట్లు ప్రతాపరుద్రుని శాసనాలు తెలియజేస్తున్నాయి. దేవాలయం గర్భగుడిలో గోడపై స్థిరంగా ఉండే నీడ ఈ దేవాలయ ప్రత్యేకతగా చెప్పవచ్చు. ఈ నీడ (ఛాయా) వలనే ఈ ఆలయానికి ఛాయా సోమేశ్వరాలయం అని పేరువచ్చింది. విభాగాలు: నల్గొండ మండలములోని గ్రామాలు,   = = = = = (ఈ వ్యాసంలో ఉపయోగించిన ఛాయా సోమేశ్వరాలయం ఫోటో శ్రీ పాండురంగారావు గారి సౌజన్యంతో)