కామెరూన్ (Cameroon)

కామెరూన్ రాజధాని యాండే ఖండం ఆఫ్రికా జనాభా 2.25 కోట్లు వైశాల్యం 475,442 చకిమీ కామెరూన్ ఆఫ్రికా ఖండానికి చెందిన దేశము. ఇది పశ్చిమ మధ్య ఆఫ్రికాలో అట్లాంటిక్ మహాసముద్రం తీరాన ఉంది. ఫ్రెంచి, ఇంగ్లీష్ అధికార భాషలు కలిగిన ఈ దేశం మొదటి ప్రపంచ యుద్ధానికి ముందు జర్మనీ అధీనంలో ఉండేది. 1960లో ఫ్రెంచి పాలన నుంచి స్వాతంత్ర్యం పొందింది. ఆఫ్రికా ఖండం సూక్ష్మచిత్రంగా ఈ దేశం ప్రసిద్ధి చెందింది. ఫుట్‌బాల్ క్రీడ ఇక్కడి జనాదరణ కలిగిన క్రీడ. పశ్చిమాఫ్రికాలోనే ఎత్తయిన కామెరూన్ పర్వతం ఈ దేశంలోనే ఉంది. డౌలా ఈ దేశంలోని పెద్ద నగరం. కామెరూన్ రాజధాని యాండే. భౌగోళికం, సరిహద్దులు: కామెరూన్‌కు పశ్చిమాన నైజీరియా, ఈశాన్యాన చాద్, తూర్పున సెంట్రల్ ఆఫ్రికన్ రిపబ్లిక్, దక్షిణాన ఈక్వటోరియల్ గినియా, గాబన్, కాంగో దేశాలు, పశ్చిమాన అట్లాంటిక్ మహాసముద్రంలో భాగమైన గినియా అఖాతం సరిహద్దులుగా ఉన్నాయి. 475,442 చదరపు కిలోమీటర్ల వైశాల్యంతో ఈ దేశం ప్రపంచంలో 54వ స్థానంలో ఉంది. చరిత్ర: మొదటి ప్రపంచ యుద్ధానికి ముందు ఈ ప్రాంతం జర్మనీ అధీనంలో ఉండగా, ఆతర్వాత ఫ్రెంచి, బ్రిటన్‌ల పాలనలో చెరిసగ భాగం ఉండింది. 1960లో ఫ్రెంచి పాలన నుంచి, 1961లో బ్రిటన్ పాలన నుంచి స్వాతంత్ర్యం పొందింది. జనాభా: 2013 అంచనా ప్రకారం దేశ జనాభా 2.25 కోట్లు. జనసాంద్రత కేవలం 40/చకిమీ మాత్రమే ఉంది. విభాగాలు: ప్రపంచ దేశాలు, ఆఫ్రికా దేశాలు, 1960,  = = = = =