విజయలక్ష్మి పండిత్ (Vijaya Lakshmi Pandit)

విజయలక్ష్మి పండిత్ జననం ఆగస్టు 18, 1900 జన్మస్థానం అలహాబాదు పదవులు రాయబారి, గవర్నరు, మరణం సెంబరు 1, 1990 ప్రముఖ దౌత్యవేత్తగా, రాజకీయ నాయకురాలిగా పేరుపొందిన విజయలక్ష్మి పండిత్ ఆగస్టు 18, 1900న ఉత్తరప్రదేశ్‌లోని అలహాబాదులో జన్మించారు. భారతదేశ తొలి ప్రధానమంత్రిగా పనిచేసిన జవహార్‌లాల్ నెహ్రూ సోదరి అయిన ఈమె 1921లో రంజిత్ సీతారాం పండిత్‌ను వివాహం చేసుకున్నారు. వీరి కూతురు నాయంతర సెహగల్ ప్రముఖ నవలా రచయిత్రిగా పేరుపొందింది. మనమరాలు గీతా సెహగల్ కూడా రచయిత్రి. 90 సంవత్సరాల వయస్సులో డిసెంబరు 1, 1990న  విజయలక్ష్మి పండిత్ మరణించారు. పదవులు: 1937లోనే యునైటెడ్ ప్రావిన్సు తాత్కాలిక శాసనసభకు ఎన్నికై కేబినెట్ మంత్రి పదవి పొంది ఈ ఘనత పొందిన తొలి భారతీయురాలిగా గుర్తింపు పొందారు. ఆ తర్వాత 1946లో రాజ్యాంగసభకు ఎన్నికయ్యారు. భారతదేశ స్వాతంత్ర్యానంతరం 1947లో సోవియట్ యూనియన్‌కు రాయబారిగా పనిచేశారు. ఆ తర్వాత అమెరికా, మెక్సికో, ఐర్లాండ్, ఇంగ్లాండ్, స్పెయిన్ దేశాల రాయబాదిగా కూడా విధులు నిర్వర్తించారు. ఈ పదవులు నిర్వహిస్తూనే 1946-68 కాలంలో ఐక్యరాజ్యసమితిలో భారతదేశ ప్రతినిధిగానూ వ్యవహరించారు. 1953లో ఐక్యరాజ్యసభ సాధారణ సభకు అధ్యక్షత వహించి ఈ పదవి పొందిన తొలి మహిళగా గుర్తింపు పొందారు. 1962లో మహారాష్ట్ర గవర్నరుగా నియమించబడి 1964లో సోదరుడు జవహార్‌లాల్ నెహ్రూ మరణంతో ఆ పదవికి రాజీనామా చేసి ఖాళీ అయిన స్థానం నుంచి లోకసభకు ఎన్నికయ్యారు. ఇందిరాగాంధీ ప్రధానమంత్రి అయిన పిదప అభిప్రాయబేధాల వల్ల పదవులకు దూరంగా ఉన్నారు. జనతాపార్టీ కాలంలో 1979లో  ఐక్యరాజ్యసమితి మానవహక్కుల కమీషన్‌లో భారత ప్రతినిధిగా వ్యవహరించారు. విభాగాలు: ఉత్తరప్రదేశ్ ప్రముఖులు, భారతదేశ ప్రముఖ మహిళలు, మహారాష్ట్ర గవర్నర్లు, 1900లో జన్మించినవారు, 1990లో మరణించినవారు,  3వ లోకసభ సభ్యులు,  = = = = =