మాదిరెడ్డి సులోచన (Madireddy Sulochana)

మాదిరెడ్డి సులోచన జననం 1935 స్వస్థలం శంషాబాద్‌ రంగం నవలా రచయిత్రి మరణం 1984 ప్రముఖ నవలా రచయిత్రిగా పేరుపొందిన మాదిరెడ్డి సులోచన 1935లో రంగారెడ్డి జిల్లా శంషాబాద్‌లో జన్మించారు. హైదరాబాదులోని బి.వి.ఆర్.రెడ్డి మహిళాకళాశాల బి.ఎస్సీ, ఉస్మానియా విశ్వవిద్యాలయం నుండి ఎం.ఎ., ఎం.యిడి. పట్టాలుపొంది ప్రారంభంలో సుమారు 10 సంవత్సరాలు ఉపాధ్యాయురాలిగా పనిచేశారు. భర్తతో బాటు ఇథియోపియా, జాంబియా దేశాలకు వెళ్లి అక్కడ కూడా ఉపాధ్యాయినిగా పనిచేసింది. ప్రముఖ హిందీ రచయిత మున్షీ ప్రేమ్‌చంద్ వల్ల ప్రేరేపితులైన సులోచన 1965 లో ‘జీవయాత్ర’ పేరుతో నవల రచనతో ప్రస్థానం ప్రారంభించి దాదాపు 150 కధలు, 72 నవలలు, 2 నాటికలు, 10 ఏకాంకికలు రచించింది. వీనిలో 10 నవలలు సినిమాలుగా రూపొందాయి. తెలుగునాట నవలల్ని విశేషంగా చదివింపచేసే ఆలవాటు చేసిన రచయితల్లో మాదిరెడ్డి సులోచన ఒకరు. ఊహజనిత చిత్రణ కంటే వాస్తవిక జీవిత చిత్రణకు ప్రయత్నించింది. ప్రేమలు, పెళ్ళిళ్ళు కంటే కుటుంబ జీవితానికి ప్రాధాన్యం ఇచ్చారు. సులోచన తెలంగాణ జీవితాన్ని చిత్రించే అద్భుతమైన రచనలు చేశారు. ఉత్తమ ఉపాధ్యాయిని, ఉత్తమ కధా రచయిత్రి అవార్డులు కూడా పొందింది. ఇంట్లో గ్యాస్ సిలిండర్ పేలిన దుర్ఘటనలో 1984లో ఈమె మరణించింది. ఈమె గౌరవార్థం "మాదిరెడ్డి సులోచన స్మారక అవార్డులు" ప్రధానం చేయబడుతున్నాయి. విభాగాలు: రంగారెడ్డి జిల్లా ప్రముఖులు, శంషాబాద్ మండలం, తెలంగాణ రచయిత్రులు, 1935లో జన్మించినవారు, 1984లో మరణించినవారు,  = = = = = సంప్రదించిన పుస్తకాలు, వెబ్‌సైట్లు: The Encyclopeadia of Indian Literature, తెలుగు రచయితలు,