బ్యాడ్మింటన్ క్రీడాకారుడైన శ్రీకాంత్ నమ్మళ్వార్ కిదాంబి ఫిబ్రవరి 7, 1993న గుంటూరులో జన్మించాడు. గోపీచంద్ బ్యాడ్మింటన్ అకాడమీలో శిక్షణ పొంది రాటుదేలాడు. ఇతను నవంబరు 2014లో చైనా ఓపెన్ సూపర్ సిరీస్ టైటిల్ గెలుచుకున్నాడు.2017 సింగపూర్ ఓపెన్ ఫైనల్లో సాయి ప్రణీత్ చేతిలో ఓడి రెండోస్థానంలో నిలిచాడు. తర్వాత 2017లో ఇండోనేషియా ఓపెన్ టైటిల్‌ను సాధించి ఈ ఘనత సాధించిన మొట్టమొదటి భారతీయునిగా శ్రీకాంత్ రికార్డు సృష్టించాడు.
క్రీడా ప్రస్థానం: 2011లో లక్నోలో జరిగిన ఆసియా జూనియర్ చాంపియన్‌షిప్ పోటీలలో మిక్స్‌డ్ డబుల్స్ విభాగంలో కాంస్యపతకం సాధించాడు. అదే ఏడాది పూనేలో జరిగిన ఆలిండియా బ్యాడ్మింటన్ చాంపియన్‌షిప్‌లో సింగిల్స్ మరియు డబుల్స్ రెండింటిలోనూ విజేతగా నిలిచాడు. 2011 కామన్వెల్త్ యూత్ గేమ్స్‌లో బాలుర విభాగంలో కాంస్యపతకం, మిక్స్‌డ్ డబుల్స్‌లో రజతపతకం సాధించాడు. 2013లో ఇండియన్ బ్యాడ్మింటన్ లీగ్‌లో అవథ్ ఇండియన్స్ జట్టుకు ప్రాతినిధ్యం వహించి రెండోస్థానంలో నిలిపాడు. 2014లో మలేషియా ఓపెన్‌లో క్వార్టర్ వరకు వెళ్ళగలిగాడు. 2014 నవంబరులో జరిగిన చైనా ఓపెన్ సూపర్ సీరీస్ లో అగ్రశ్రేణి ఆటగాడు లిన్ డాన్‌ను మట్టికరిపించి విజేతగా నిలిచి సంచలనం సృష్టించాడు. 2015లో స్వి ఓపెన్ మరియు ఇండియా ఓపెన్ సింగిల్స్ టైటిళ్ళను సాధించాడు. అదే సం.లో సయ్యద్ మోడి ఇంటర్నేషనల్ మరియు ఇండోనేషియన్ మాస్టర్స్‌లలో ఫైనల్ వరకు వెళ్ళాడు. 2016లో సయ్యద్ మోడి ఇంటర్నేషనల్ మరియు దక్షిణాసియా క్రీడల సింగిల్స్ టైటిళ్ళను సాధించాడు. 2017లో సింగపూర్ ఓపెన్ ఫైనల్లో భారత్‌కే చెందిన సాయి ప్రణీత్ చేతిలో ఓడిననూ ఇండోనేషియా ఓపెన్ సింగిల్స్ టైటిల్ సాధించి ఈ ఘనత సాధించిన తొలి భారతీయుడిగా రికార్డు సృష్టించాడు. కిదాంబి శ్రీకాంత్ తన కెరీర్‌లో 7 ప్రధాన టైటిళ్ళను సాధించాడు.
= = = = =
| |||||||||
20, నవంబర్ 2014, గురువారం
కిదాంబి శ్రీకాంత్ (Srikanth Kidambi)
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
stat coun
కామెంట్‌లు లేవు:
కామెంట్‌ను పోస్ట్ చేయండి