తోడిశెట్టి రాములు (Todishetti Ramulu)

తోడిశెట్టి రాములు జననం అక్టోబరు 25, 1950 స్వగ్రామం వెంగ్యాపేట్ (ఆదిలాబాదు జిల్లా) రంగం సాహితీవేత్త ప్రముఖ సాహితీవేత్త తోడిశెట్టి రాములు అక్టోబరు 25, 1950న ఆదిలాబాదు జిల్లా నిర్మల్ మండలం వెంగ్యాపేట్ గ్రామంలో జన్మించారు. ఉస్మానియా విశ్వవిద్యాలయం నుంచి ఎం.ఏ.(తెలుగు) పట్టా పొంది ఉపాధ్యాయులుగా పనిచేసి 2008 జూన్‌లో పదవీ విరమణ చేశారు. పలు గ్రంథాలు రచించి సాహితీవేత్తగా పేరుపొందారు. 2014 నవంబరులో సుందరకాండము, శ్రీ సీతారామ చరితము పద్య కావ్యాలను విడుదల చేశారు. విద్య మరియు ఉద్యోగ ప్రస్థానం: స్వగ్రామం వెంగ్యాపేట్‌లోనే ప్రాథమిక విద్య పూర్తిచేసిన రాములు హైస్కూలు విద్య నిర్మల్‌లో, బి.ఏ. మరియు ఎం.ఏ.(తెలుగు) ఉస్మానియా విశ్వవిద్యాలయం నుంచి పూర్తిచేశారు. ఆదిలాబాదులో అధ్యాపక శిక్షణ పొంది ప్రారంభంలో నిర్మల్‌లో శ్రీ సరస్వతీ శిశుమందిర్ పాఠశాలలో ఆచార్య వృత్తి స్వీకరించి 1970 నుంచి 1976 వరకు పనిచేశారు. ఆ తర్వాత ప్రభుతోన్నత పాఠశాల ఆదిలాబాదులో 1984 వరకు, 1984-90 కాలంలో కస్బా నిర్మల్‌లో, 1990-2002 కాలంలో ఆదిలాబాదు ఉన్నత పాఠశాలలో పనిచేశారు. 2002లో జడ్పీ పాఠశాల జైనాథ్‌లో చేరి 2008 జూన్‌లో పదవీ విరమణ వరకు అక్కడే పనిచేశారు. సాహితీ ప్రస్థానం: సాహితీవేత్తగా రాణిస్తున్న తోడిశెట్టి రాములు భగవద్గీత-భావార్థ దీపిక, సుందరకాండము, శ్రీ సీతారామ చరితము మున్నగు పద్య కావ్యాలను రచించారు. 2014 నవంబరులో ముద్రితమైన సుందరకాండము పద్య కావ్యము 1521 కంద పద్యాలతో పూర్తిచేశారు. గుర్తింపులు: 2009లో శ్రీ కొండూరు రాఘవరావు - రాజ్యలక్ష్మమ్మ చారిటబుల్ ట్రస్టుచే "మొల్లమాంబ బంగారు పతకం" స్వీకరించారు. విభాగాలు: ఆదిలాబాదు జిల్లా రచయితలు, 1950లో జన్మించినవారు, నిర్మల్ మండలం,  = = = = =