దిగంబరరావు బిందు (Digambara Rao Bindu)

దిగంబరరావు బిందు స్వస్థలం భోకర్  (మహారాష్ట్ర) రంగం విమోచనోద్యమం పదవులు హైదరాబాదు రాష్ట్ర హోంశాఖ మంత్రి దిగంబరరావు బిందు ఇప్పటి మహారాష్ట్రకు చెందిన నాందేడు జిల్లా భోకర్  వాస్తవ్యులు. ప్రారంభంలో కొంతకాలం ఉపాధ్యాయులుగా పనిచేసి, ఆ తర్వాత న్యాయవాద వృత్తి చేపట్టారు. న్యాయవాద వృత్తిలో ఉంటూనే ప్రజాఉద్యమాలలో పాలుపంచుకున్నారు. 1941లో అప్పటి మహారాష్ట్ర పరిషత్తు అధ్యక్షుడు కాశీనాథరావు వైద్య దిగంబరరావును పరిషత్తు కార్యదర్శిగా నియమించారు. 1941-45 కాలంలో రయ్యత్ పత్రిక మేనేజరుగా పనిచేసిన దిగంబరరావు ఆ తర్వాత రామానందతీర్థ  ఆంతరంగికులుగా ఉంటూ అప్పటి హైదరాబాదు రాజ్య నిజాం అకృత్యాలను ఎదిరిస్తూ స్టేట్ కాంగ్రెస్ కార్యక్రమాలలో చురుకుగా పాల్గొన్నారు. 1950లో నిజామాబాదులో జరిగిన హైదరాబాదు స్టేట్ కాంగ్రెస్ సమావేశాలకు అధ్యక్షత వహించారు. 1951 శాసనసభ ఎన్నికలలో ఈయన భోకర్ నుంచి కాంగ్రెస్ పార్టీ తరఫున ఎన్నికయ్యారు. ఎన్నికల అనంతరం ఏర్పడిన బూర్గుల రామకృష్ణారావు మంత్రివర్గంలో దిగంబరరావు హోంశాఖ మంత్రిగా పనిచేశారు. ఈయన సేవలకు గుర్తుగా నాందేడ్ సమీపంలోని భోకర్‌లోని కళాశాలకు దిగంబరరావు బిందూ కళాశాలగా పేరుపెట్టబడింది. విభాగాలు: మహారాష్ట్ర ప్రముఖులు, నాందేడు జిల్లా, హైదరాబాదు రాష్ట్ర మంత్రులు,  = = = = =