కాశీనాథరావు వైద్య (Kashinath Rao Vaidya)

కాశీనాథరావు వైద్య రంగం విమోచనోద్యమం, రాజకీయాలు, పదవులు హైదరాబాదు శాసనసభ స్పీకరు, మరణం మార్చి 13, 1959 హైదరాబాదు రాష్ట్ర శాసనసభ స్పీకరుగా పనిచేసిన కాశీనాథరావు వైద్య హైదరాబాదులో జన్మించారు. వృత్తిరీత్యా న్యాయవాది అయిన ఈయన హైదరాబాదు విమోచనోద్యమంలో చురుకుగా పాల్గొని ఆ తర్వాత రాజకీయాలలో కూడా పాలుపంచుకున్నారు. 1936లో హైదరాబాదులో జరిగిన విద్యా మహాసభకు అధ్యక్షత వహించారు. అరవముదు అయ్యంగార్ అధ్యక్షతన ఏర్పడిన రాజకీయ సంస్కరణల కమీటీలో కాశీనాథరావు సభ్యులుగా ఉన్నారు. రయ్యత్ దినపత్రిక డైరెక్టర్ బోర్డు సభ్యులుగా కూడా పనిచేశారు. నిజాం కాలంలో ఈయన బూర్గుల రామకృష్ణారావు, వినాయకరావు విద్యాలంకార్, కొండా వెంకట రంగారెడ్డిలతో పాటు మితవాదుల పక్షం వహించారు. 1952లో జరిగిన హైదరాబాదు రాష్ట్ర శాసనసభ ఎన్నికలలో భారత జాతీయ కాంగ్రెసు అభ్యర్ధిగా బేగంబజారు నియోజకవర్గం నుండి విజయం సాధించి హైదరాబాదు శాసనసభ స్పీకరుగా ఎన్నికయ్యారు. 1959 మార్చి 13న కాశీనాథరావు హైదరాబాదులో మరణించారు. విభాగాలు: హైదరాబాదు ప్రముఖులు, హైదరాబాదు విమోచనోద్యమం, 1959లో మరణించినవారు,  = = = = = సంప్రదించిన గ్రంథాలు, వెబ్‌సైట్లు: తెలుగు వికీపీడియా, ఆంగ్ల వికీపీడియా, 50 సంవత్సరాల హైదరాబాదు (రచన: మందుముల నరసింహరావు)