జలగం వెంగళరావు (Jalagam Vengal Rao)

జలగం వెంగళరావు జననం 1921 స్వస్థలం బుయన్నగూడెం రంగం విమోచనోద్యమం, రాజకీయాలు, పదవులు కేంద్ర మంత్రి, ముఖ్యమంత్రి, మరణం జూన్ 12, 1999 కేంద్రమంత్రిగా, ఉమ్మడి ఆంధ్రప్రదేశ్ ముఖ్యమంత్రిగా పనిచేసిన జలగం వెంగళరావు మే 1921లో జన్మించారు. ఖమ్మం జిల్లా బుయన్నగూడెం గ్రామానికి చెందిన వెంగళరావు 4 సార్లు ఎమ్మెల్యేగా, 2 సార్లు ఎంపీగా ఎన్నికై రాష్ట్ర మంత్రిగా, ముఖ్యమంత్రిగా, కేంద్రమంత్రిగా ఉన్నత పదవులు పొందారు. నా జీవిత కథ పేరుతో ఆత్మకథ రచించిన వెంగళరావు జూన్ 12, 1999న మరణించారు. ఆయన ఇద్దరు కుమారులు కూడా రాజకీయాలలో రాణిస్తున్నారు. రాజకీయ ప్రస్థానం: జలగం వెంగళరావు చిన్న వయస్సులోనే హైదరాబాదు విమోచనోద్యమంలో పాల్గొని జాయిన్ ఇండియా ఉద్యమానికి ఖమ్మం జిల్లాలో నాయకత్వం వహించి జైలుకు వెళ్ళారు. హైదరాబాదు సంస్థానం విమోచన అనంతరం రాజకీయాలలో చేరి 1952లో ఇండిపెండెంటుగా పోటీచేసి ఓడిపోయారు. ఆ తర్వాత 4 సార్లు సత్తుపల్లి అసెంబ్లీ నియోజకవర్గం నుంచి కాంగ్రెస్ పార్టీ తరఫున విజయం సాధించారు. ఖమ్మం జిల్లా డిసిసి అధ్యక్షుడిగా, ఖమ్మం జిల్లా తొలి జడ్పీ చైర్మెన్‌గా పనిచేసిన జలగం 1968లో కాసు బ్రహ్మానందరెడ్డి హయంలో హోంశాఖ మంత్రిగా పనిచేశారు. డిసెంబరు 10, 1973 నాడు ఉమ్మడి ఆంధ్రప్రదేశ్ ముఖ్యమంత్రిగా నియమితులై మార్చి 6, 1978 వరకు పదవిలో ఉన్నారు. 1978లో విమద్‌లాల్ కమీషన్ నివేదిక మేరకు ముఖ్యమంత్రి పదవికి రాజీనామా చేశారు. ఈయన హయంలోనే 1975లో తొలి తెలుగు ప్రపంచ మహాసభలు నిర్వహించబడ్డాయి మరియు కాకతీయ, నాగార్జున, శ్రీకృష్ణదేవరాలయ విశ్వవిద్యాలయాలు స్థాపించబడ్డాయి. కాంగ్రెస్ పార్టీ చీలిక సమయంలో ఇందిరా కాంగ్రెస్‌లో చేరక బయట ఉండిపోయారు. 1984లో మళ్ళీ కాంగ్రెస్ పార్టీలో చేరి రాజీవ్ గాంధీ నేతృత్వంలోని కేంద్ర మంత్రిమండలిలో స్థానం పొందారు. ఏపిసిసి అధ్యక్షుడిగా కూడా పనిచేశారు. కుటుంబం: జలగం వెంగళరావు కుమారుడు జలగం ప్రసాదరావు రాష్ట్ర మంత్రిగా పనిచేయగా మరో కుమారుడు జలగం వెంకటరావు 2009లో సత్తుపల్లి నుంచి శాసనసభకు ఎన్నికైనారు. సోదరుడు జలగం కొండలరావు 2 సార్లి లోకసభకు ఎన్నికయ్యారు.         విభాగాలు: ఖమ్మం జిల్లా రాజకీయ నాయకులు, ఖమ్మం జిల్లా సమరయోధులు, ఆంధ్రప్రదేశ్ ముఖ్యమంత్రులు, కేంద్రమంత్రులు, 1921లో జన్మించినవారు, 1999లో మరణించినవారు, సత్తుపల్లి అసెంబ్లీ నియోజకవర్గం, ఖమ్మం లోకసభ నియోజకవర్గం,  = = = = =