ఏ.ఆర్.అంతూలే (A. R. Antulay)

ఏ.ఆర్.అంతూలే జననం ఫిబ్రవరి 9, 1929 రాష్ట్రం మహారాష్ట్ర రంగం రాజకీయాలు పదవులు మహారాష్ట్ర ముఖ్యమంత్రి, కేంద్రమంత్రి, మరణం డిసెంబరు 2, 2014 కేంద్ర మంత్రిగా, మహారాష్ట్ర ముఖ్యమంత్రిగా పనిచేసిన అబ్దుల్ రెహమాన్ అంతూలే ఫిబ్రవరి 9, 1929న మహారాష్ట్రలోని జొరాబి గ్రామంలో జన్మించారు. 1980-82 కాలంలో మహారాష్ట్ర ముఖ్యమంత్రిగా, 14వ లోకసభ కాలంలో మన్‌మోహన్ సింగ్ నేతృత్వంలోని మంత్రిమండలిలో కేంద్రమంత్రిగా పనిచేశారు. డిసెంబరు 2, 2014న మరణించారు. రాజకీయ ప్రస్థానం: అంతూలే 1962 నుంచి 1976 వరకు మహారాష్ట్ర శాసనసభ సభ్యుడిగా కొనసాగారు. 1969-76 వరకు రాష్ట్ర మంత్రిగానూ పనిచేశారు. 1976లో రాజ్యసభకు ఎన్నికై 1980 వరకు రాజ్యసభ సభ్యుడిగా వ్యవహరించారు. ఆ తర్వాత 1980లో మహారాష్ట్ర ముఖ్యమంత్రి పీఠం అధిష్టించి సిమెంటు కుంభకోణంలో కోర్టు ఇచ్చిన తీర్పు వల్ల బలవంతంగా అధిష్టానంచే గద్దె దిగారు.1985-89 కాలంలో మళ్ళీ మహారాష్ట్ర శాసనసభ సభ్యుడిగా వ్యవహరించారు. 9వ, 10వ, 11వ లోకసభ ఎన్నికలలో విజయం సాధించారు. 2004లో 14వ లోకసభకు కూడా ఎన్నికై మన్‌మోహన్ సింగ్ కేబినెట్‌లో మైనారిటీ వ్యవహారాల మంత్రిగా పనిచేశారు. విభాగాలు: మహారాష్ట్ర ముఖ్యమంత్రులు, కేంద్రమంత్రులు, 1929లో జన్మించినవారు, 2014లో మరణించినవారు,  = = = = =