సుద్దాల హన్మంతు (Suddala Hanmanthu)

సుద్దాల హన్మంతు జననం 1912 స్వస్థలం సుద్దాల రంగం ప్రజాకవి మరణం అక్టోబర్ 10, 1982 ప్రజాకవిగా, నాటకకర్తగా పేరుపొందిన సుద్దాల హన్మంతు 1912లో నల్గొండ జిల్లా మోత్కూరు మండలం పాలడుగు గ్రామంలో జన్మించారు. వీరి అసలు ఇంటిపేరు గుర్రం, కాగా సుద్దాల గ్రామంలో స్థిరపడటంతో ఇదే ఇంటిపేరైంది. చిన్నవయస్సులోనే నాటకాలు, జానపదాలు, యక్షగానాలలో పాలుపంచుకున్నారు. పాట ద్వారా ప్రజల్లో ప్రచారమై ప్రజాకవిగా నిలబడ్డారు. నిరంకుశ నిజాం పాలనలోని దురంగతాలపై పాటలుపాడి ప్రజలలో చైతన్యం తీసుకువచ్చారు. పెద్దగా అభ్యసనం లేకపోయినప్పటికీ పద్యాలు, శతకాలు బాగా కంఠస్తం పట్టి వాటిపై పట్టుసాధించారు. ప్రారంభంలో ఆర్యసమాజ్‌లో చేరిననూ ఆ తర్వాత కమ్యూనిస్టు వైపు ఆకర్షితులైనారు. 75 సంవత్సరాల వయస్సులో సుద్దాల సర్పంచిగా కె.వి.రంగారావు దొరపై విజయం సాధించారు. "మా భూమి" సినిమాలో హిట్టయిన "పల్లెటూరి పిలగాడ" పాట ఆయన రాసినదే.  హన్మంతు 1982, అక్టోబర్ 10న కాన్సర్ వ్యాధితో మరణించారు. ఇతని కుమారుడైన సుద్దాల అశోక్ తేజ అక్టోబర్ 13, 2010లో సుద్దాల ఫౌండేషన్‌ను ప్రాంరంభించి తన తల్లిదండ్రుల పేరుతో సుద్దాల హనుమంతు-జానకమ్మ పురస్కారంను ఏర్పాటుచేసి ప్రతి ఏటా ఒకరికి పురస్కారాన్ని అందజేస్తున్నారు. విభాగాలు: నల్గొండ జిల్లా ప్రముఖులు, మోత్కూరు మండలం, 1912లో జన్మించినవారు, 1982లో మరణించినవారు,  = = = = =