కాశీనాథుని నాగేశ్వరరావు (Kasinathuni Nageswara Rao)

జననం మే 1, 1867 జన్మస్థానం ఎలమర్రు (కృష్ణా జిల్లా) రంగం పాత్రికేయుడు, సమరయోధుడు, మరణం ఏప్రిల్ 11, 1938 పాత్రికేయుడిగా, స్వాతంత్ర్య సమరయోధునిగా పేరుగాంచిన కాశీనాథుని నాగేశ్వరరావు మే 1, 1867న కృష్ణా జిల్లా ఎలమర్రు గ్రామంలో జన్మించారు. ఉన్నత విద్య అభ్యసించకపోయిననూ పాత్రికేయునిగా పేరుపొందడమే కాకుండా ఆంధ్రపత్రిక, భారతి పత్రికను స్థాపించారు. అమృతాంజనం కంపెనీని నెలకొల్పి వ్యాపారవేత్తగానూ రాణించారు. విశ్వదాత, దేశోద్ధారక బిరుదులు, ఆంధ్ర విశ్వవిద్యాలయం నుంచి  కళాప్రపూర్ణ బిరుదాన్ని పొందారు. ఏప్రిల్ 11, 1938న నాగేశ్వరరావు మరణించారు. ప్రచురణ రంగం: తెలుగులో వార్తా సమాచారాలను అందించాలన్న అవసరాన్ని గుర్తించిన నాగేశ్వరరావు 1908లో బొంబాయి నుండి ఆంధ్రపత్రిక వారపత్రిక ప్రారంభించారు. 1914లో దీన్ని దినపత్రికగా మార్పుచేసి మద్రాసు నుంచి ప్రచురించారు. 1924లో భారతి పేరుతో సాహిత్య, సాంస్కృతిక పత్రికను వెలువరించారు. 1926లో 'ఆంధ్ర గ్రంథమాల' అనే పుస్తక ప్రచురణ సంస్థను కూడా ప్రారంభించారు. స్వాతంత్ర్యోద్యమం: కాశీనాథుని నాగేశ్వరరావు స్వాతంత్ర్యోద్యమంలో చురుకుగా పాల్గొన్నారు. ఉప్పుసత్యాగ్రహంలో మరియు సైమన్ కమీషన్ బహిష్కరణ సమయంలో నాయకత్వం వహించారు. 4 సార్లు భారత జాతీయ కాంగ్రెస్ పిసిసి అధ్యక్షుడిగానూ పనిచేశారు. విభాగాలు: కృష్ణా జిల్లా ప్రముఖులు, కృష్ణా జిల్లా సమరయోధులు, పెదపారుపూడి మండలం, 1867లో జన్మించినవారు, 1938లో మరణించినవారు,   = = = = =