భాట్టం శ్రీరామమూర్తి (Bhattam Srirama Murthy)

భాట్టం శ్రీరామమూర్తి జననం మే 12, 1928 రంగం సమరయోధుడు, రాజకీయాలు, జర్నలిజం, పదవులు రాష్ట్ర మంత్రి, 4 సార్లు ఎమ్మెల్యే, ఎంపీ, మరణం జూలై 6, 2015 స్వాతంత్ర్య సమరయోధుడు, రాష్ట్ర మంత్రిగా పనిచేసిన భాట్టం శ్రీరామమూర్తి మే 12, 1928న విశాఖపట్టణం జిల్లా ధర్మవరంలో జన్మించారు. జాతీయోద్యమంలో పాల్గొని జైలుకు కూడా వెళ్ళారు. 4 సార్లు ఎమ్మెల్యేగా, ఒకసారి ఎంపీగా పనిచేసిన శ్రీరామమూర్తి రచయితగా పలు పుస్తకాలు కూడా రచించారు. స్వేచ్ఛాభారతం పేరుతో స్వీయచరిత్రను రచించుకున్నారు. జర్నలిస్టుగా పేరుపొంది జయభారత్, ప్రజారథం, ఆంధ్రజనతా పత్రికలకు సంపాదకత్వం వహించారు. 87 సంవత్సరాల వయస్సులో జూలై 6, 2015న మరణించారు. రాజకీయ ప్రస్థానం: 1955లో భారత సోషలిస్టు పార్టీ జనరల్ సెక్రటరీగా పనిచేసిన శ్రీరామమూర్తి ఆ తర్వాత కాంగ్రెస్ పార్టీలో చేరారు. 1957, 1962లలో విజయనగరం అసెంబ్లీ నియోజకవర్గం నుంచి విజయం సాధించారు. 1972, 1978లలో పరవాడ అసెంబ్లీ నియోజకవర్గం నుంచి ఎన్నికై రాష్ట్ర మంత్రివర్గంలో స్థానం పొందారు. 1984లో విజయనగరం నియోజకవర్గం నుంచి తెలుగుదేశం పార్టీ తరఫున లోకసభకు ఎన్నికైనారు. విభాగాలు: విశాఖపట్టణం జిల్లా రాజకీయ నాయకులు, కొయ్యూరు మండలం, రాష్ట్ర మంత్రులు, విజయనగరం లోకసభ నియోజకవర్గం, 1928లో జన్మించినవారు, 2015లో మరణించినవారు,  = = = = =