గూడ ఆంజయ్య (Guda Anjaiah)

జననం నవంబరు 1, 1955 స్వస్థలం లింగాపురం రంగం పాటల రచయిత మరణం జూన్ 21, 2016 పాటలు, కవితలు రచయితగా, ఉద్యమకారునిగా ప్రసిద్ధి చెందిన గూడ అంజయ్య నవంబరు 1, 1955న మంచిర్యాల జిల్లా దండేపల్లి మండలం లింగాపురంలో జన్మించాడు. సామాన్య జీవితంలో జన్మించి సామాన్యుల బతుకులు దోపిడికి గురవ్వడాన్ని తన కవితలు, పాటల ద్వారా జనానికి జాగృతం చేశారు. దొరలు, భూస్వాముల దోపిడులను, తెలంగాణ ఉద్యమకాలంలో తెలంగాణ ప్రజలపై జరుగుతున్న అన్యాయాలను తన రచనల ద్వారా బహిర్గతం చేశాడు. ఈయన రచించిన పలు పాటలు సినిమాలలో కూడా వచ్చాయి. "భద్రం కొడుకో కొడుకో కొమురమ్మ జర" పాట గ్రామీణ ప్రజలను చాలా ప్రభావితం చేసింది. ఈయన పాటలు తెలంగాణ గ్రామీణ భాషలో ఉండుటం విశేషం. తెలంగాణ యాసలో పాటలు రాసి య్వకులను ఉర్రూతలూగించారు. ఈయన పాటల ప్రభావానికి ఎందరో యువకులు తెలంగాణ ఉద్యమంలోకి దూకి ఉద్యమించారు. 62 ఏళ్ల వయస్సులో జూన్ 21, 2016న గూడ అంజయ్య మరణించారు. గుర్తింపులు: గూడ అంజయ్య తన రచనలకు పలు అవార్డులు పొందారు. 2000లో గండపెండేర బిరుదును, 2004లో మలయశ్రీ సాహితీ అవార్డును, 2015లో ముఖ్యమంత్రి కేసిఆర్ చేతుల మీదుగా తెలంగాణ సాహిత్య పురస్కారాన్ని పొందారు. ఇవి కూడా చూడండి: దండేపల్లి మండలం, విభాగాలు: మంచిర్యాల జిల్లా ప్రముఖులు, 1955లో జన్మించినవారు, 2016లో మరణించినవారు,   = = = = =