మీనా కుమారి (Meena Kumari)

జననం ఆగస్టు 1, 1933 రంగం సినీనటి, గాయని, అవార్డులు 4 సార్లు ఫిలింఫేర్ అవార్డులు మరణం మార్చి 31, 1972 సినీనటిగా, గాయని, రచయిత్రిగా పేరుపొందిన మీనాకుమారి ఆగస్టు 1, 1933న ముంబాయిలో జన్మించింది. ఈమె అసలుపేరు మహజబీన్ బానో. భారతీయ సినిమా సిండరెల్లాగా ప్రసిద్ధి చెందిన మీనాకుమారి 1939-1972 కాళంలో 92కు పైగా సినిమాలలో నటించింది. తన సినీ ప్రస్థానంలో ఉత్తమనటిగా 4 ఫిలింఫేర్ అవార్డులు సాధించింది. నాజ్ కలంపేరుతో రచనలు కూడా చేసిన మీనాకుమారి 38 సంవత్సరాల చిన్నవయస్సులోనే 1972లో ముంబాయిలో చనిపోయింది. వ్యక్తిగతం: మీనాకుమారి తండ్రి సున్నీముస్లిం. తల్లి తరఫు నుంచి రవీంద్రనాథ్ ఠాగూర్‌తో బంధుత్వాలున్నాయి. 1952లో మీనాకుమారి కమల్ అమ్రోహిని వివాహం చేసుకొని 1964లో విడీపోయింది. సినీప్రస్థానం: నాలుగేళ్ళ పిన్న వయస్సులోనే సినిమాలలలో నటన ప్రారంభించిన మీనాకుమారి తన సినీప్రస్థానంలో 92కుపైగా సినిమాలలో నటించింది. 1954లో తొలి ఫిలింఫేర్ అవార్డుల ప్రధానంలో బైజుబవ్రా సినిమాకై ఉత్తమనటిగా ఫిలింఫేర్ అవార్డు పొందటమే కాకుండా మరుసటి ఏడాడి 1955లో కూడా ఉత్తమనటిగా పరిణీత సినిమాకై రెండో ఫిలింఫేర్ అవార్డు కూడా పొందింది. 1963లో సాహిబ్ బీబీ ఔర్ గులాం సినిమాకై, 1966లో కాజల్ సినిమాకై ఉత్తమనటిగా ఫిలింఫేర్ అవార్డులు పొందింది. 1963లో 10వ ఫిలింఫేర్ అవార్డులలో మీనాకుమారి ఉత్తమనటిగా అన్ని నామినేషన్లను పొంది రికార్డు సృష్టించింది. ఇప్పటివరకు ఏ కేటగేరిలో కూడా అన్ని నామినేషన్లను ఒక్కరే పొందలేరు . 1979లో మీనాకుమారికి అమర్ కహాని సినిమాను సోహ్రాబ్ మోడి దర్శకత్వంలో నిర్మించబడింది. ఇవి కూడా చూడండి: విభాగాలు:  సినీనటులు, ఫిలింఫేర్ అవార్డు గ్రహీతలు,  = = = = =