రాంజెఠ్మలాని (Ram Jethmalani)

జననం ఏప్రిల్ 14, 1923 రంగం న్యాయవాది, రాజకీయాలు పదవులు కేంద్రమంత్రి, బార్ కౌన్సిల్ చైర్మెన్ మరణం సెప్టెంబరు 8, 2019 ప్రముఖ న్యాయవాదిగా, రాజకీయ నాయకుడిగా పేరుపొందిన రాంజెఠ్మలాని ఏప్రిల్ 14, 1923న సికార్‌పూర్ (ప్రస్తుత పాకిస్తాన్‌)లో జన్మించారు. ఇప్పటి పాకిస్తాన్‌లోని సింధ్‌లో న్యాయవాదిగా ప్రాక్టీస్ ప్రారంభించి, దేశవిభజన తర్వాత ముంబాయి వలస వచ్చారు. దేశంలోనే ప్రఖ్యాతి కేసులు మరియు సంచలనం సృష్టించిన కేసులను వాదించిన ఘనత ఈయనకు దక్కుతుంది. ఇందిర, రాజీవ్ హత్యకేసులు, హర్షత్ మెహతా, కేతన్ పరేఖ్, అఫ్జల్ గురు, సోహ్రబుద్దీన్, హాజీమస్తాం, కనిమొళి, కేజ్రీవార్, జయలలిత, బాబా రాందేవ్ తదితరుల కేసులలో రాంజెఠ్మలాని వాదించారు. సుప్రీంకోర్టులో అత్యధిక ఫీజు తీసుకొనే న్యాయవాదిగానూ ఈయన పేరుపొందారు. హక్కుల ఉద్యమానికి చేసిన కృషికిగాను జెఠ్మలాని 1977లో మానవహక్కుల అవార్డు పొందారు. భాజపా తరఫున 6వ, 7వ లోక్‌సభలకు ఎన్నికై వాజపేయి మంత్రివర్గంలో పనిచేశారు. తర్వాత వాజపేయిపైనే (లక్నోలో) పోటీచేసి సంచలనం సృష్టించారు. 2013 వరకు భాజపా లోనూ, ఆ తర్వాత రాష్ట్రీయ జనతాదళ్ పార్టీలో కొనసాగారు. 1992 రాష్ట్రపతి ఎన్నికలలో పోటీచేసి మూడోస్థానం పొందారు. భారత్ ముక్రిమోర్చా పేరుతో రాజకీయ వేదికను స్థాపించడమే కాకుండా 1995లో పవిత్ర హిందుస్థాన్ కజగం పేరుతో రాజకీయ పార్టీ నెలకొల్పారు. బార్ కౌన్సిల్ ఆఫ్ ఇండియా చైర్మెన్‌గా ఎన్నికైన జెఠ్మలాని ఆత్మకథ పేరు "ది రెబెల్". 95 సం.ల వయస్సులో సెప్టెంబరు 8, 2019న మరణించారు. ఇవి కూడా చూడండి: కేంద్రమంత్రులుగా పనిచేసిన వ్యక్తులు, బార్ కౌన్సిల్ ఆఫ్ ఇండియా చైర్మెన్లు, 1992 రాష్ట్రపతి ఎన్నికలు, హోం విభాగాలు: ప్రముఖ న్యాయవాదులు, భారతదేశ రాజకీయ నాయకులు, కేంద్రమంత్రులుగా పనిచేసిన వారు, 2019లో మరణించినవారు,  = = = = =