జయలలిత (Jayalalitha)

జయలలిత జననం ఫిబ్రవరి 24, 1948 జన్మస్థానం మైసూరు రంగం సినీనటి, రాజకీయాలు, పదవులు 3సార్లు తమిళనాడు ముఖ్యమంత్రి, మరణం డిసెంబరు 5, 2016 తమిళనాడు ముఖ్యమంత్రిగా బాధ్యతలు నిర్వహిస్తున్న జె.జయలలిత ఫిబ్రవరి 24, 1948న మైసూరులో జన్మించారు. జయలలిత అసలు పేరు కోమలవల్లి. ఈమె అలనాటి సినీ నటి సంధ్య కూతురు. రాజకీయాలలోకి చేరకముందు సినీనటిగా రాణించింది. ఈమెను అభిమానులు జయలలితను అమ్మ అని, పురచ్చి తలైవి (విప్లవాత్మక నాయకురాలు) అని పిలుస్తుంటారు. 1981లో రాజకీయాలలో ప్రవేశించి అప్పటి ముఖ్యమంత్రి ఎం.జి.రామచంద్రన్‌కు సన్నిహితంగా ఉంటూ రాజకీయాలపై పట్టు సాధించింది. 1991లో తొలిసారిగా తమిళనాడు ముఖ్యమంత్రిగా బాధ్యతలు చేపట్టిన జయలలిత 2002లో రెండోసారి, 2011లో మూడవసారి ముఖ్యమంత్రి పీఠం అధిష్టించగా సెప్టెంబరు 27, 2014న బెంగుళూరు కోర్టు ఆదాయానికి మించిన ఆస్తుల కేసులో దోషిగా తీర్పు ఇవ్వడంతో ముఖ్యమంత్రి పదవి కోల్పోయారు. మే 23, 2015న మరోసారి ముఖ్యమంత్రిగా ప్రమాణస్వీకారం చేశారు. డిసెంబరు 5, 2016న మరణించారు సినీప్రస్థానం: జయలలిత రాజకీయ రంగప్రవేశానికి మునుపు తమిళ చిత్ర రంగములో విజయవంతమైన సినీ నటి. కుటుంబ పరిస్థితులవలన ఈమె తల్లి బలవంతముతో తన 15వ యేట సినిమా రంగములో ప్రవేశించినది. జయలలిత తొలి సినిమా చిన్నడ గొంబె కన్నడ చిత్రము పెద్ద హిట్టయ్యింది. ఈమె తొలి తెలుగు సినిమా మనుషులు మమతలు ఈమెను పెద్దతార స్థాయికి తీసుకెళ్లింది. 1972లో తమిళనాడు ప్రభుత్వము జయలలితను కళైమామణి పురస్కారముతో సత్కరించినది. రాజకీయ ప్రస్థానం: 1981లో తమిళనాడు రాజకీయాలలో ప్రవేశించి, 1984లో తమిళనాడు నుంచి రాజ్యసభ ఎన్నికైనది. అప్పటి ముఖ్యమంత్రి యం.జి.రామచంద్రన్ కు సన్నిహితంగా మెలిగింది. ఎం.జి.రామచంద్రన్ మరణానంతరం ఆయన భార్య జానకి రామచంద్రన్ తమిళనాడు ముఖ్యమంత్రి అయిననూ ఆమె ఎక్కువ రోజులు పదవిలో కొనసాగలేకపోయింది. గ్లామర్ వల్ల జయలలిత 1989 అసెంబ్లీ ఎన్నికలలో విజయం సాధించి తొలి మహిళా ప్రతిపక్ష నాయకురాలిగా స్థానం సంపాదించింది. 1991లో జరిగిన శాసనసభ ఎన్నికలలో కాంగ్రెస్ పార్టీతో పొత్తు పెట్టుకొని విజయం సాధించి ముఖ్యమంత్రి పీఠాన్ని అధిష్టించింది. 5 సంవత్సరాలు పూర్తి కాలం పదవిలో ఉన్నరు. ఆ తర్వాత 2002 నుంచి 2006 వరకు ముఖ్యమంత్రి పదవి నిర్వహించారు. 2011లో పార్టీని విజయపథంలో నడిపించి మూడవసారి పదవి చేపట్టగా సెప్టెంబరు 27, 2014న బెంగుళూరు కోర్టు ఆదాయానికి మించిన ఆస్తుల కేసులో దోషిగా తీర్పు ఇవ్వడంతో ముఖ్యమంత్రి పదవి కోల్పోయారు.కర్ణాటక కోర్టు నిర్దోషిగా తీర్పు ఇవ్వడంతో మళ్ళీ మే 23, 2015న మరోసారి ముఖ్యమంత్రిగా ప్రమాణస్వీకారం చేశారు.       ఇవి కూడా చూడండి: మిళనాడు ముఖ్యమంత్రులు, డిసెంబరు 5 (చరిత్రలో ఈ రోజు), భారతదేశ ప్రముఖ మహిళలు, విభాగాలు: తమిళనాడు ముఖ్యమంత్రులు, భారతదేశ ప్రముఖ మహిళలు, భారతదేశ రాజకీయ నాయకులు, 1948లో జన్మించినవారు, మహిళా ముఖ్యమంత్రులు,  = = = = =