పైడికొండల మాణిక్యరావు (Pydikondala Manikyala Rao)

పైడికొండల మాణిక్యరావు జననం నవంబరు 1, 1961 స్వస్థలం తాడేపల్లిగూడెం రంగం రాజకీయాలు పదవులు రాష్ట్ర మంత్రి మరణం ఆగస్టు 1, 2020 ఆంధ్రప్రదేశ్‌కు చెందిన రాజకీయ నాయకుడైన పైడికొండల మాణిక్యరావు నవంబరు 1, 1961న పశ్చిమగోదావరి జిల్లా తాడేపల్లి గూడెంలో జన్మించారు. తాడేపల్లిగూడెంలో ఫొటోగ్రాఫర్‌గా జీవనం ప్రారంభించి తర్వాత రాజకీయాలలో ప్రవేశించారు. చిన్నవయస్సు నుంచే ఆరెస్సెస్ తో ఉన్న అనుబంధంతో భాజపాలో చేరారు. 1989లో పశ్చిమగోదావరి జిల్లా భాజపా ప్రధాన కార్యదర్శిగా, జిల్లా అధ్యక్షుడిగా, తర్వాత భాజపా రాష్ట్ర కార్యదర్శిగా పనిచేశారు. 2014లో తాడేపల్లిగూడెం నియోజకవర్గం నుంచి తెలుగుదేశం పార్టీ మద్దతుతో భారతీయ జనతాపార్టీ అభ్యర్థిగా పోటీచేసి విజయం సాధించారు. సుమారు మూడున్నరేళ్లు చంద్రబాబునాయుడు కేబినెట్లో దేవాదాయశాఖ మంత్రిగా పనిచేశారు. ఆగస్టు 1, 2020న కరోనా (కోవిడ్) వ్యాధితో మరణించారు. ఇవి కూడా చూడండి: తాడేపల్లిగూడెం అసెంబ్లీ నియోజకవర్గం, హోం విభాగాలు: ఆంధ్రప్రదేశ్ రాజకీయ నాయకులు, పశ్చిమ గోదావరి జిల్లా ప్రముఖులు,  = = = = =