బండారు దత్తాత్రేయ (Bandaru Dattatreya)

జననం ఫిబ్రవరి 26, 1947 పదవులు కేంద్ర మంత్రి, 4 సార్లు ఎంపి, నియోజకవర్గం సికింద్రాబాదు లో/ని, భారతీయ జనతా పార్టీకి చెందిన ప్రముఖ రాజకీయ నాయకుడైన బండారు దత్తాత్రేయ జూన్ 12, 1946న హైదరాబాదులో జన్మించారు. ఉస్మానియా విశ్వవిద్యాలయం నుంచి బీఎస్సీ పట్టా పొంది రాజకీయాలలో ప్రవేశించి, అంచెలంచెలుగా ఎదిగి భాజపా రాష్ట్ర అధ్యక్షులుగా పనిచేశారు. 4 సార్లు సికింద్రాబాదు లోకసభ నియోజకవర్గం నుంచి పార్లమెంటుకు ఎన్నికైనారు. అటల్ బిహారీ వాజపేయి హయంలో కేంద్ర రైల్వేశాఖ సహాయమంత్రిగా పనిచేశారు. 22014-17 కాలంలో నరేంద్రమోడి మంత్రివర్గంలో పనిచేశారు. 2019 సెప్టెంబరులో దత్తన్న హిమాచల్ ప్రదేశ్ గవర్నరుగా నియమితులైనారు రాజకీయ ప్రస్థానం: 1980లో భాజపా రాష్ట్ర కార్యదర్శిగా నియమితులైనారు. 1981-89 కాలంలో భాజపా రాష్ట్ర ప్రధాన కార్యదర్శి పదవిలో ఉన్నారు. బండారు దత్తాత్రేయ తొలిసారిగా 1991లో సికింద్రాబాదు స్థానం నుంచి భాజపా తరఫున లోకసభకు ఎన్నికైనారు. 1996-98 కాలంలో రాష్ట్ర భాజపా అధ్యక్షుడిగా వ్యవహరించారు. 1998 మరియు 1999లలో కూడా ఇదే స్థానం నుంచి భాజపా తరఫున విజయం సాధించడమే కాకుండా రెండు సార్లు కేంద్ర మంత్రిమండలిలో స్థానం పొందారు. దత్తాత్రేయ భాజపా జాతీయ ఉపాధ్యక్షుడిగా, కిషన్ రెడ్డి కంటె ముందు రాష్ట్ర భాజపా అధ్యక్షపదవిని నిర్వహించారు.కేంద్రంలో పలు పార్లమెంటరీ కమిటీలలో పనిచేశారు. 2014లో సికింద్రాబాదు నుంచి మరోసారి ఎన్నికైనారు. 2014, నవంబరు 9న కార్మిక, ఉపాధి కల్పన శాఖ మంత్రిగా నరేంద్రమోడి మంత్రివర్గంలో స్థానం పొంది 2017 వరకు పనిచేశారు. 2019 సెప్టెంబరులో దత్తన్న హిమాచల్ ప్రదేశ్ గవర్నరుగా నియమితులైనారు . విభాగాలు: హైదరాబాదు జిల్లా రాజకీయ నాయకులు, తెలంగాణ భాజపా ప్రముఖులు, 1947లో జన్మించినవారు, కేంద్రమంత్రులు, భారతీయ జనతా పార్టీ నాయకులు, సికింద్రాబాదు లోకసభ నియోజకవర్గం, 10వ లోకసభ సభ్యులు, 12వ లోకసభ సభ్యులు, 13వ లోకసభ సభ్యులు,   = = = = = సంప్రదించిన గ్రంథాలు, వెబ్‌సైట్లు: ఆంగ్ల వికీపీడియా, bandarudattatreya.org/dattatreya-profile.php