ఒడిషా (Odisha)

రాజధాని భువనేశ్వర్ వైశాల్యం 1,55,820 చ.కి.మీ. జనాభా 3,67,06,920 (2011) అధికార భాష ఒరియా ప్రధాన నృత్యం ఒడిస్సీ ప్రధాన నది మహానది ఒడిషా భారతదేశ తూర్పు తీరాన ఉన్న రాష్ట్రం. ఒడిషా రాష్ట్ర వైశాల్యం 1,55,820 చ.కి.మీ.మరియు 2011 ప్రకారం జనాభా 3,67,06,920. 2011కు ముందు ఈ రాష్ట్ర నామం ఒరిస్సా. రాష్ట్ర అధికార భాష ఒరియా, రాష్ట్ర రాజధాని మరియు పెద్ద నగరం భువనేశ్వర్. రాష్ట్రంలో ప్రవహించే ముఖ్యమైన నది మహానది. పూరి జగన్నాథ ఆలయం, కోణార్క్ సూర్యదేవాలయం, భువనేశ్వర్, చిల్కా సరస్సు ఒడిషాలోని ప్రముఖ పర్యాటక ప్రాంతాలు. ఇక్కడి ప్రధాన నృత్యం ఒడిస్సీ. రూర్కెలాలో ఉక్కు కర్మాగారం, భువనేశ్వర్‌లో అంతర్జాతీయ విమానాశ్రయం, మహానదిపై హీరాకుడ్ ప్రాజెక్టు ఉన్నాయి. భౌగోళికం, సరిహద్దులు: ఒడిషా రాష్ట్రం భారతదేశ తూర్పు తీరానా బంగాళాఖాతం సరిహద్దున ఉంది. ఈ రాష్ట్రానికి ఉత్తరాన ఝార్ఖండ్, ఈశాన్యాన పశ్చిమబెంగాల్, దక్షిణాన ఆంధ్రప్రదేశ్, పశ్చిమాన ఛత్తీస్‌గఢ్ రాష్ట్రాలు, తూర్పున బంగాళాఖాతం సరిహద్దులుగా ఉన్నాయి. రాష్ట్ర తూర్పుభాగంలో తూర్పుకనుమలు ఉన్నాయి. చరిత్ర: క్రీ.శ.3వ శతాబ్దిలో అశోక చక్రవర్తి చేసిన కళింగయుద్ధం ప్రస్తుత ఒడిషా రాష్ట్రంలో ఉంది. మౌర్యుల తర్వాత కుషానులు, శాతవాహనులు, గుప్తులు, తూర్పుగాంగులు, గజపతులు, మొఘలులు, మరాఠాలు, బ్రిటీష్ వారు పాలించారు. ఈ ప్రాంతం వివిధ కాలాలలో వివిధ రకాలుగా పిల్వబడింది. కళింగ, ఉత్కళ, ఓడ్ర, ఉండ్ర, చేది, తోసలిగా పిల్వబడి ఒరిస్సాగా స్థిరపడింది. 2011లో ఒడిషాగా పేరుమార్చబడింది. వివిధ రాజవంశస్థులు నిర్మించిన ప్రాచీన కట్టడాలు, దేవాలయాలు ఇప్పటికీ ఉన్నాయి. రాజకీయాలు: ఒడిషాలో 21 లోక్‌సభ స్థానాలు, 10 రాజ్యసభ స్థానాలు, 147 విధానసభ స్థానాలున్నాయి. ఇక్కడి ప్రధాన రాజకీయ పార్టీలు బిజూ జనతాదళ్, భారతీయ జనతాపార్టీ, కాంగ్రెస్ పార్టీలు. క్రీడలు: హాకీ, అథ్లెటిక్స్, రగ్బీ, క్రికెట్, టెన్నిస్ ఇక్కడి ప్రధానమైన క్రీడలు. 2018 పురుషుల ప్రపంచకప్ హాకీ పోటీలు భువనేశ్వర్‌లో జరిగాయి. బారాబతి క్రికెట్ స్టేడియం, కళింగ స్టేడియం రాష్ట్ర రాజధానిలో ఉన్నాయి. ఇవి కూడా చూడండి: ఒడిషా ముఖ్యమంత్రులు, ఒడిషా గవర్నర్లు ఒడిషా ప్రముఖులు, ఒడిషా పర్యాటక ప్రాంతాలు, ఒడిషా నగరాలు - పట్టణాలు, ఒడిషా జిల్లాలు, హోం విభాగాలు: భారతదేశ రాష్ట్రాలు, ఒడిషా,  = = = = =

Tags: Odisha or Orissa state information in telugu,