శోభా నాగిరెడ్డి (Shobha Nagireddy)

శోభా నాగిరెడ్డి జననం నవంబర్‌ 16, 1968 స్వస్థలం ఆళ్లగడ్డ పదవులు 3 సార్లు ఎమ్మెల్యే మరణం ఏప్రిల్ 24, 2014 శోభా నాగిరెడ్డి కర్నూలు జిలాఖు చెందిన ప్రముఖ రాజకీయ నాయకురాలు. 1968 నవంబర్‌ 16న ఆళ్లగడ్డలో జన్మించిన శోభ ప్రముఖ నాయకుడు ఎస్వీ సుబ్బారెడ్డి కూతురు. శోభ భర్త భూమా నాగిరెడ్డి జిల్లాఖు చెందిన ప్రముఖ రాజకీయ నాయకుడు. 1996లో ప్రత్యక్ష రాజకీయాల్లోకి అడుగుపెట్టి, 1997లో ఆళ్లగడ్డకు జరిగిన ఉపఎన్నికల్లో తొలిసారిగా తెలుగుదేశం పార్టీ నుంచి ఎమ్మెల్యేగా ఎన్నికయ్యారు. 1999లో మరో పర్యాయం తెలుగుదేశం పార్టీ నుంచి ఎమ్మెల్యేగా విజయం సాధించారు. తర్వాత చిరంజీవి స్థాపించిన ప్రజారాజ్యం పార్టీలో చేరారు. 2009 శాసనసభ ఎన్నికలలో ప్రజారాజ్యం పార్టీ తరఫున రాయలసీమ లో గెలిచిన ఏకైక ఎమ్మెల్యే శోభా నాగిరెడ్డి మాత్రమే. ఆ తర్వాత వైఎస్సార్ కాంగ్రెస్ పార్టీలో చేరారు. 2012 ఉప ఎన్నికలలో వైఎస్సార్ కాంగ్రెస్ పార్టీ తరఫున ఎన్నికైనారు. 2014 ఎన్నికలలో వైఎస్సార్ సీపీ తరఫున పోటీచేస్తూ ప్రచారం ముగించి ఇంటికి వెళుతూ రోడ్డు ప్రమాదంలో తీవ్రంగా గాయపడి ఏప్రిల్ 24, 2014న మరణించారు. విభాగాలు: కర్నూలు జిల్లా ప్రముఖులు, ఆళ్ళగడ్డ అసెంబ్లీ నియోజకవర్గం, 1968లో జన్మించినవారు, 2014లో మరణించినవారు,   = = = = =