వరంగల్ (పడమర) అసెంబ్లీ నియోజకవర్గం వరంగల్ జిల్లాలోని 12 అసెంబ్లీ నియోజకవర్గాలలో ఒకటి. వరంగల్ మండలం (పాక్షికం) మరియు వరంగల్ నగరపాలక సంస్థ (పాక్షికం) కలవు. ఈ సెగ్మెంట్ వరంగల్ లోకసభ నియోజకవర్గంలో భాగంగా ఉన్నది.
ఈ నియోజకవర్గం పరిధిలోని మండలాలు:
2009 ఎన్నికలు:
2009లో జరిగిన శాసనసభ ఎన్నికలలో ఈ నియోజకవర్గం నుంచి తెలంగాణ రాష్ట్ర సమితి పార్టీ అభ్యర్థి డి.వినయ్ కుమార్ తన సమీప ప్రత్యర్థి కాంగ్రెస్ పార్టీ అభ్యర్థి దయాసాగర్‌పై 6681 ఓట్ల మెజారిటీతో విజయం సాధించి తొలిసారి శాసనసభలో ప్రవేశించారు. ప్రత్యేక తెలంగాణ రాష్ట్ర ఉద్యమ నేపథ్యంలో వినయ్ భాస్కర్ రాజీనామా చేయగా ఫిబ్రవరి 15, 2010న స్పీకర్ ఆమోదించారు. 2010 ఉప ఎన్నికలు: 2009లో విజయం సాధించిన వినయ్ భాస్కర్ రాజీనామా చేయడంతో జూలై 27, 2010న జరిగిన ఉప ఎన్నికలలో తెరాస నుంచి మళ్ళీ డి.వినయ్ కుమార్ పోటీచేసి తన సమీప ప్రత్యర్థి, కాంగ్రెస్ పార్టీకి చెందిన దయాకర్ రావుపై 67 వేలకుపైగా ఓట్ల మెజారిటీతో విజయం సాధించారు. వినయ్‌కు 88435 ఓట్లు రాగా, దయాకర్‌కు 20924 ఓట్లు లభించాయి. తెలుగుదేశం పార్టీ అభ్యర్థి వేం నరేందర్ రెడ్డి 5762 ఓట్లు మాత్రమే పొంది డిపాజిట్ కోల్పోయారు. ఈ ఎన్నికలలో భారతీయ జనతా పార్టీ తెరాసకు మద్దతు ఇచ్చింది. 2014 ఎన్నికలు: 2014 ఎన్నికలలో ఇక్కడి నుంచి తెరాసకు చెందిన దాస్యం వినయ్ భాస్కర్ తన సమీప ప్రత్యర్థి కాంగ్రెస్ పార్టీ అభ్యర్థి అయిన ఎర్రబెల్లి స్వర్ణపై 55914 ఓట్ల భారీ మెజారిటితో విజయం సాధించారు. 2018 ఎన్నికలు: 2018 ఎన్నికలలో తెరాస తరఫున దాస్యం వినయ్ భాస్కర్, భాజపా తరఫున మార్తినేని ధర్మారావు, ప్రజాకూటమి తరఫున తెలుగుదేశం పార్టీకి చెందిన రేవూరి ప్రకాష్ రెడ్డి పోటీచేశారు. తెరాసకు చెందిన దాస్యం విజయ్ భాస్కర్ తన సమీప ప్రత్యర్థి, తెలుగుదేశం పార్టీకి చెందిన రేవూరి ప్రకాష్ రెడ్డి పై 36451 ఓట్ల మెజారిటీతో విజయం సాధించారు.
= = = = =
|
17, ఏప్రిల్ 2014, గురువారం
వరంగల్ (పడమర) అసెంబ్లీ నియోజకవర్గం (Warangal West Assembly Constituency)
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
stat coun
కామెంట్‌లు లేవు:
కామెంట్‌ను పోస్ట్ చేయండి