టి.ఎన్.సదాలక్ష్మి (T.N.Sadalaxmi)

టి.ఎన్.సదాలక్ష్మి  జననం డిసెంబరు 25, 1928 స్వస్థలం బొల్లారం పదవులు 2 సార్లు ఎమ్మెల్యే, రాష్ట్ర మంత్రి, మరణం జూలై 24, 2004 టి.ఎన్.సదాలక్ష్మి ప్రముఖ తెలంగాణ ఉద్యమకారిణి మరియు రాజకీయ నాయకురాలు. ఈమె 1928 డిసెంబరు 25న దళిత కుటుంబంలో జన్మించారు. చిన్న వయస్సులోనే ఆర్యసమాజం వైపు ఆకర్షితులైనారు. 1957లో తొలిసారిగా కామారెడ్డి అసెంబ్లీ నియోజకవర్గం నుంచి శాసనసభకు ఎన్నికయ్యారు. ఆ తర్వాత నిజామాబాదు జిల్లా ఎల్లారెడ్డి అసెంబ్లీ నియోజకవర్గం నుంచి ఎన్నికై దేవాదాయ శాఖ మంత్రిగా నియమితులైనారు. 1962లో తొలి మహిళా డిప్యూటి స్పీకరుగా పదవి పొందారు. 1967లో మరో సారి పోటీచేసిననూ పరాజయం పొందారు. 1969లో తెలంగాణ ఉద్యమంలోనూ చురుకుగా పాల్గొన్నారు. తెలంగాణ ప్రజాసమితి అధ్యక్షుడు మర్రి చెన్నారెడ్డి జైలుకు వెళ్ళిన పిదప సదాలక్ష్మి ఆ పార్టీ అధ్యక్ష పదవిలో కొనసాగింది. 1982లో తెలుగుదేశం పార్టీ స్థాపనతో ఆ పార్టీలో చేరారు. తెలంగాణ కోసం తెలుగుదేశం పార్టీ నుంచి బయటకు వచ్చి 2000లో తెలంగాణ కాంగ్రెస్ పార్టీని స్థాపించారు. జూలై 24, 2004న సదాలక్ష్మి మరణించారు. విభాగాలు: హైదరాబాదు జిల్లా ప్రముఖులు, హైదరాబాదు జిల్లా రాజకీయ నాయకులు, కామారెడ్డి అసెంబ్లీ నియోజకవర్గం, ఎల్లారెడ్డి అసెంబ్లీ నియోజకవర్గం, 2వ శాసనసభ సభ్యులు, 3వ శాసనసభ సభ్యులు, 1928లో జన్మించినవారు, 2004లో మరణించినవారు,   = = = = =